مەسسي بەسٸنشٸ رەت «التىن بۋتسى» يەگەرٸ بولدى

ەۋروپانىڭ سپورتتىق باسىلىمدار قاۋىمداستىعى «بارسەلونانىڭ» شابۋىلشىسى ليونەل مەسسيگە «التىن بۋتسى» تابىس ەتتٸ, دەپ حابارلايدى "ۇلت اقپارات".

مەسسي 2017/18 ماۋسىمىنداعى ەۋروپانىڭ ەڭ ٷزدٸك بومبارديرى اتاندى. ٶتكەن ماۋسىمدا ارگەنتينالىق فۋتبولشى پرەمەر-ليگانىڭ 36 ماتچىندا 34 گول سوقتى.

اتالمىش ماراپات ٷشٸن باقتالاستا ول مىسىرلىق موحامەد سالاحتىڭ الدىن وراپ كەتتٸ. م.سالاح پرەمەر-ليگانىڭ 36 كەزدەسۋٸندە 32 رەت گول سالدى.

ل.مەسسيگە «التىن بۋتسى» بەسٸنشٸ رەت تابىستالىپ وتىر. بۇعان دەيٸن ماراپاتتى 2009/10, 2011/12, 2012/13 جەنە 2016/17 ماۋسىمداردا العان بولاتىن. مەسسي «التىن بۋتسى» سىيلىعىن ەڭ كٶپ يەلەنگەن فۋتبولشى. ەكٸنشٸ ورىندا - بٷگٸندە «يۋۆەنتۋس» ساپىندا ويناپ جٷرگەن كريشتيانۋ رونالدۋ. ونىڭ ەنشٸسٸندە 4 جٷلدە بار.