Jelide Kraistcherch qalasyndaǵy eki meshitte bolǵan teraktiden keiingi videolar jariialandy, dep jazady Sputnik.
Qarý asynǵan qaskúnemder namazǵa jinalǵan halyqqa oq jaýdyrǵan meshitterdiń ishinde túsirilgen kadrlarda qaza tapqandardyń denesi men kóptegen zardap shegýshini kórýge bolady.
Eske sala ketsek, Jańa Zelandiianyń Kraistcherch qalasynda juma kúni terakt boldy. Bir top adam meshitterge basa kóktep kirip, namazǵa jinalǵan jurtqa oq atty. Sońǵy derekter boiynsha 49 adam qaza taýyp, taǵy sonsha turǵyn jaraqat alǵan.
Terakt uiymdastyrdy degen kúdikpen úsh adam ustaldy. Olardyń biri – 28 jastaǵy avstraliialyq Brenton Tarrant qylmys ústinde áleýmettik jelide tikelei efir júrgizgen. Buǵan deiin ol Twitter paraqshasynda "manifest" jariialapty.
Qazir álem elderiniń basshylary jantúrshigerlik teraktini qatań aiyptap, pikir bildirip jatyr.
