Bas múfti "Hidaiat" meshitiniń imamyn jumystan shyǵarydy, dep habarlaidy Sputnik Qazaqstan.
Resmi málimetke sáikes, Shelek aýylyndaǵy "Hidaiat" meshitinde bolǵan oqiǵadan keiin jergilikti bilik ókilderi, aýyl turǵyndary, din qyzmetkerleri, meshit jamaǵaty jáne balanyń ata-anasynyń qatysýymen arnaiy kezdesý ótti.
Sol jerde imam óz qateligin moiyndap, balanyń ata-anasynan, sondai-aq kópshilikten keshirim surady. Balanyń zańdy ókilderi imamnyń keshirimin qabyl alyp, eki tarap ózara bitimge keldi.
"Qazaqstan musylmandary dini basqarmasy bul oqiǵadan tiisti qorytyndy shyǵardy jáne óreskel áreketke jol bergen din qyzmetkerine shara qoldandy. Bas múftidiń buiryǵymen "Hidaiat" meshitiniń imamy jumystan shyǵaryldy", - delingen resmi habarlamada.
Aldaǵy ýaqytta osyndai keleńsiz oqiǵalar oryn almas úshin imamdarmen túsindirý jumystary júrgizilip jatyr.
Aita keteiik, imam namaz kezinde balany shapalaqpen uryp jibergen. Bala shalqasynan qulap tústi. Osy oqiǵanyń videosy beinebaqylaý kamerasyna túsip qaldy.
