باس مٷفتي "حيدايات" مەشٸتٸنٸڭ يمامىن جۇمىستان شىعارىدى, دەپ حابارلايدى Sputnik قازاقستان.
رەسمي مەلٸمەتكە سەيكەس, شەلەك اۋىلىنداعى "حيدايات" مەشٸتٸندە بولعان وقيعادان كەيٸن جەرگٸلٸكتٸ بيلٸك ٶكٸلدەرٸ, اۋىل تۇرعىندارى, دٸن قىزمەتكەرلەرٸ, مەشٸت جاماعاتى جەنە بالانىڭ اتا-اناسىنىڭ قاتىسۋىمەن ارنايى كەزدەسۋ ٶتتٸ.
سول جەردە يمام ٶز قاتەلٸگٸن مويىنداپ, بالانىڭ اتا-اناسىنان, سونداي-اق كٶپشٸلٸكتەن كەشٸرٸم سۇرادى. بالانىڭ زاڭدى ٶكٸلدەرٸ يمامنىڭ كەشٸرٸمٸن قابىل الىپ, ەكٸ تاراپ ٶزارا بٸتٸمگە كەلدٸ.
"قازاقستان مۇسىلماندارى دٸني باسقارماسى بۇل وقيعادان تيٸستٸ قورىتىندى شىعاردى جەنە ٶرەسكەل ەرەكەتكە جول بەرگەن دٸن قىزمەتكەرٸنە شارا قولداندى. باس مٷفتيدٸڭ بۇيرىعىمەن "حيدايات" مەشٸتٸنٸڭ يمامى جۇمىستان شىعارىلدى", - دەلٸنگەن رەسمي حابارلامادا.
الداعى ۋاقىتتا وسىنداي كەلەڭسٸز وقيعالار ورىن الماس ٷشٸن يمامدارمەن تٷسٸندٸرۋ جۇمىستارى جٷرگٸزٸلٸپ جاتىر.
ايتا كەتەيٸك, يمام ناماز كەزٸندە بالانى شاپالاقپەن ۇرىپ جٸبەرگەن. بالا شالقاسىنان قۇلاپ تٷستٸ. وسى وقيعانىڭ ۆيدەوسى بەينەباقىلاۋ كامەراسىنا تٷسٸپ قالدى.
