Foto: Fariza Tóreáli
Ánshi Tóreǵali Tóreáliniń qaryndasy, tanymal bloger Fariza Tóreáli Astanaǵa jaqyn aýyldardyń birine qaiyrymdylyq maqsatta meshit salmaq bolǵan eken jergilikti turǵyndar oǵan qarsy shyǵypty. Bul týraly ol óziniń instagram paraqshasynda bólisti dep habarlaidy "Ult Aqparat".
"Rabbymyz bizge meshit salǵyzyp jatyr! +1 arman. Bul túsimiz be álde óńimiz be?!.. Úlken arman. Úlken maqsat. Úlken joba. Erteńgi tarih. Osy maqsat jumys jasaýǵa úlken shabyt pen jiger berdi. Aqiqatynda árbir rizyq Alladan bolǵan soń Onyń jolynda sol rizyqty jumsai alý bir baqyt. Paiǵambarymyz (s.a.s) úmmeti, elimiz úshin qyzmet etý, damýyna úles qosý – bizdegi missiia. Burynnan ekeýmiz otyryp alyp "qaiyrymdylyqqa bir kúni meshit, medrese salatyndai tabys deńgeiine jetsek iia" dep qiialdaitynbyz. Rabbymyz júrekterdegi nietti Bilýshi, osy kúndi násip qylyp jatyr. Alda medrese, kitaphana, mektep jáne taǵy da meshitter salýǵa nietimiz bar.
Qurban aitqa deiin aiaqtaǵymyz keledi, inshaAlla. Ashylýyna BARLYQ OQYRMANDARYMYZDY shaqyramyz. Bizben birge bolyńyzdar!" -dep jazǵan eken.
Alaida oqyrmandardyń kóbi blogerdiń munysyn quptai qoimady. Olardyń biri: "Zavod óndiris kásiporyn ashkan dýrys dep oilaimyn" dese, "Mektep bolnitsa jetpei jatqanda nege meshit salýǵa kushtar bilimniń shyńyn baǵyndyryp memleketimiz di kórkeitetin jastar kerek kásip ashyp elge kómektesetin" deidi. Oqyrmandardyń arasynda jatahana sal, mektep sal, sýy joq aýyldarǵa qubyr tarttyr degen siiaqty keńester aityp jatqandar bar.
Fariza Tóreáliniń ózi aýyl turǵyndary da ózderiniń meshit salyp jatqanyn quptamai "sender kimsińder, meshit salyp jatqan" dep narazy bolyp jatqanyn aityp, muń shaqty.
Aita keteiik, Qazaqstan prezidenti Qasym-Jomart Toqaev Ulttyq Quryltai otyrysynda sóilegen sózinde kásipkerlerge meshit ornyna mektep, kitaphana men aýrýhana salýdy surady.
«Óńirlerde óz qarajatyna meshit salyp jatqan kásipkerlerdiń shynaiy, igi nietterin túsinemin. Biraq jańa mektep, jataqhana, aýrýhana, kitaphana, murajai, sport keshenderi salynsa, meshit salǵannan kem emes igilikti jáne paidaly is bolar edi. Urpaqtary osyndai naqty isterdi baǵalap, riza bolatynyna senimdimin», – dedi Qasym-Jomart Toqaev.
Prezident jastar arasynda beleń alǵan bet-aýzyn búrkep, tumshalanyp alatyn dini kiimder bizdiń ulttyq salt-dástúrimizden alshaq ekenin de aitty.
