Germaniia kantsleri Angela Merkel sársenbi kúni 2015 jyly Býndestag saityna jasalǵan hakerlik shabýylǵa bailanysty Reseige shara qoldanýy múmkin ekenin aitty.
Býndestagta sóilegen Merkeldiń aitýynsha, Germaniia prokýratýrasynda Reseidiń osy shabýylǵa qatysy baryn dáleldeitin qajetti aiǵaqtar bar.
Kantslerdiń sózine qaraǵanda bul kezdeisoq shabýyl emes - másele "gibridtik soǵys" týraly bolyp otyr. Ol Germaniianyń Reseige shara qoldanýǵa quqyǵy bar ekenin de atap ótti. Merkel Reseimen qarym-qatynasty jaqsartqysy keletinin biraq Máskeýdiń ózi osyǵan kedergi keltirip otyrǵanyn jetkizdi.
Merkel sonymen birge byltyr tamyz aiynda Berlinde óltirilgen sheshen separatisteriniń burynǵy jetekshisi Zelimhan Hangoshvilidiń ólimi týraly da aitty. Berlin buǵan deiin Máskeýdi bul qylmysty jetkilikti dárejede zerttemei otyr dep resmi túrde aiyptaǵan. Bul is boiynsha resei azamaty kúdikke ilingen. Bul oqiǵadan keiin Germaniia eki reseilik diplomatty elden shyǵarǵan bolatyn.
Bellingcat zertteýine sáikes, kúdiktiniń reseilik arnaiy qyzmet ókilderimen bailanysy bolǵan.
