گەرمانييا كانتسلەرٸ انگەلا مەركەل سەرسەنبٸ كٷنٸ 2015 جىلى بۋندەستاگ سايتىنا جاسالعان حاكەرلٸك شابۋىلعا بايلانىستى رەسەيگە شارا قولدانۋى مٷمكٸن ەكەنٸن ايتتى.
بۋندەستاگتا سٶيلەگەن مەركەلدٸڭ ايتۋىنشا, گەرمانييا پروكۋراتۋراسىندا رەسەيدٸڭ وسى شابۋىلعا قاتىسى بارىن دەلەلدەيتٸن قاجەتتٸ ايعاقتار بار.
كانتسلەردٸڭ سٶزٸنە قاراعاندا بۇل كەزدەيسوق شابۋىل ەمەس - مەسەلە "گيبريدتٸك سوعىس" تۋرالى بولىپ وتىر. ول گەرمانييانىڭ رەسەيگە شارا قولدانۋعا قۇقىعى بار ەكەنٸن دە اتاپ ٶتتٸ. مەركەل رەسەيمەن قارىم-قاتىناستى جاقسارتقىسى كەلەتٸنٸن بٸراق مەسكەۋدٸڭ ٶزٸ وسىعان كەدەرگٸ كەلتٸرٸپ وتىرعانىن جەتكٸزدٸ.
مەركەل سونىمەن بٸرگە بىلتىر تامىز ايىندا بەرليندە ٶلتٸرٸلگەن شەشەن سەپاراتيستەرٸنٸڭ بۇرىنعى جەتەكشٸسٸ زەليمحان حانگوشۆيليدٸڭ ٶلٸمٸ تۋرالى دا ايتتى. بەرلين بۇعان دەيٸن مەسكەۋدٸ بۇل قىلمىستى جەتكٸلٸكتٸ دەرەجەدە زەرتتەمەي وتىر دەپ رەسمي تٷردە ايىپتاعان. بۇل ٸس بويىنشا رەسەي ازاماتى كٷدٸككە ٸلٸنگەن. بۇل وقيعادان كەيٸن گەرمانييا ەكٸ رەسەيلٸك ديپلوماتتى ەلدەن شىعارعان بولاتىن.
Bellingcat زەرتتەۋٸنە سەيكەس, كٷدٸكتٸنٸڭ رەسەيلٸك ارنايى قىزمەت ٶكٸلدەرٸمەن بايلانىسى بولعان.
