QR Úkimetiniń qaýlysymen Mereke Qudaibergenuly Pishembaev QR Tótenshe jaǵdailar vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmetinen málim etti, dep habarlaidy "Ult aqparat".
Mereke Pishembaev 1962 jyly Pavlodar oblysynda dúniege kelgen. Óskemen jol-qurylys institýtyn, Qazaq memlekettik basqarý akademiiasy janyndaǵy Naryq institýtyn, RF Prezidenti janyndaǵy Resei memlekettik qyzmet akademiiasyn támamdaǵan. Mamandyǵy — injener-qurylysshy, ekonomist, menedjer.
Eńbek jolyn 1985 jyly Pavlodar oblystyq avtomobil joldary basqarmasynyń Mai aýdandyq avtomobil jolynda aǵa jol sheberi, bas injener bolyp bastaǵan.
1986 jyldan bastap 1996 jylǵa deiin kvazimemlekettik sektorda túrli laýazymdardy atqarǵan.
1997 jylǵy qyrkúiekten 2000 jyldyń aqpanyna deiin QR Kólik jáne kommýnikatsiialar ministrliginde basshylyq laýazymdarynda eńbek etken.
2000-2002 jyldary — Soltústik Qazaqstan memlekettik avtomobil joldary mekemesiniń direktory, Soltústik Qazaqstan oblystyq avtomobil joldary basqarmasynyń basshysy.
2002-2013 jyldary — QR Kólik jáne kommýnikatsiialar ministrliginiń Avtomobil joldary jáne infraqurylymdyq keshen qurylysy komitetiniń «Qazaqavtojol» respýblikalyq memlekettik kásipornynyń bas direktory.
2013 jyldan bastap 2014 jylǵa deiin — QR kólik jáne kommýnikatsiialar vitse-ministri;
2014 jylǵy tamyzdan bastap 2019 jylǵy naýryzǵa deiin — QR Investitsiialar jáne damý ministrliginiń Avtomobil joldary komitetiniń tóraǵasy.
2019 jylǵy naýryzdan bastap qazirgi tańǵa deiin QR Indýstriia jáne infraqurylymdyq damý ministrliginiń jaýapty hatshysy qyzmetin atqardy.
