Sinoptikter 9-13 mamyr aralyǵyna arnalǵan aýa raiy boljamyn jariialady, dep habarlaidy "Ult aqparat" Qazgidrometke silteme jasap.
Antitsiklon jáne ońtústik-batys troposferalyq aǵyndary 9 mamyrda Qazaqstan aimaǵynyń basym bóliginde jyly jáne jaýyn-shashynsyz aýa raiyn qamtamasyz etedi. Aldaǵy úsh táýlikte de respýblika aimaǵynda aýa raiynda kúrt ózgerister kútilmeidi. Batys oblystarda kúndiz aýa temperatýrasy pliýs 30...38°S deiin joǵarylap, naizaǵai men ótkinshi jańbyr kútiledi.
Ońtústik jáne ortalyq aimaqtarda da jyly jáne jaýyn-shashynsyz aýa raiy kútiledi. Apta sońynda sýyq atmosferalyq fronttar jáne Karsk teńizinde qalyptasqan antitsiklon áserinen soltústik, shyǵys jáne ońtústik-shyǵys oblystardyń kei jerlerinde ótkinshi jańbyr jaýady. Sondai-aq, aýa temperatýrasy birtindep tómendeidi.
