Dárigerler meningitten kóz jumǵan bir otbasyndaǵy bala men qyzǵa infektsiiany kim juqtyrǵanyn anyqtady, dep habarlady Qazaqstannyń bas memlekettik sanitarlyq dárigeri Jandarbek Bekshin.
"Kimnen juqqany anyqtaldy, álbette, onyń aty-jónin atamaimyn. Infektsiiany jaqyn týysy tasymaldaǵan bolyp shyqty, saý adam, eshqashan aýyrmaǵan, derttiń eshqandai belgileri baiqalmaǵan, biraq ol infektsiiany taratqan", — dedi Bekshin juma kúngi baspasóz konferentsiiasynda.
Onyń aitýynsha, bala men qyz sol adamnan juqtyryp, dárigerlerge ýaqytynda qaralmaýy saldarynan kóz jumǵan.
Buǵan deiin Almaty oblysynda bir otbasyndaǵy kishkentai bala men jas qyz meningokokk infektsiiasy saldarynan kóz jumǵanyn habarlaǵan edik.
