دەرٸگەرلەر مەنينگيتتەن كٶز جۇمعان بٸر وتباسىنداعى بالا مەن قىزعا ينفەكتسييانى كٸم جۇقتىرعانىن انىقتادى, دەپ حابارلادى قازاقستاننىڭ باس مەملەكەتتٸك سانيتارلىق دەرٸگەرٸ جانداربەك بەكشين.
"كٸمنەن جۇققانى انىقتالدى, ەلبەتتە, ونىڭ اتى-جٶنٸن اتامايمىن. ينفەكتسييانى جاقىن تۋىسى تاسىمالداعان بولىپ شىقتى, ساۋ ادام, ەشقاشان اۋىرماعان, دەرتتٸڭ ەشقانداي بەلگٸلەرٸ بايقالماعان, بٸراق ول ينفەكتسييانى تاراتقان", — دەدٸ بەكشين جۇما كٷنگٸ باسپاسٶز كونفەرەنتسيياسىندا.
ونىڭ ايتۋىنشا, بالا مەن قىز سول ادامنان جۇقتىرىپ, دەرٸگەرلەرگە ۋاقىتىندا قارالماۋى سالدارىنان كٶز جۇمعان.
بۇعان دەيٸن الماتى وبلىسىندا بٸر وتباسىنداعى كٸشكەنتاي بالا مەن جاس قىز مەنينگوكوكك ينفەكتسيياسى سالدارىنان كٶز جۇمعانىن حابارلاعان ەدٸك.
