Almatyda meningitten qaitys bolǵan 27 jastaǵy órt sóndirýshi Oljas Súleimenovtyń ólimine qatysty mán-jai belgili boldy, dep habarlaidy Sputnik tilshisi.
Asfendiiarov atyndaǵy QazUMÝ juqpaly aýrýlar kafedrasynyń meńgerýshisi Amangúl Dúisenovanyń aitýynsha, er adamnyń aýzy berik bolǵan.
"Statsionarǵa qaralǵan soń, bizdiń keńesimizge qaramastan aýrýhanaǵa jatýdan bas tartty. Oǵan jazyp bergen dári-dármekti de ishpegen. Sondai álsiz ári naýqas hálde úiine baryp, uiyqtap qalady. Týystary demalyp jatqan shyǵar dep mazasyn almaǵan. Aýrýy ábden asqynyp, hál ústinde jatqanda statsionarǵa jetkizildi", — dedi Amangúl Dúisenova brifingte.
Almaty densaýlyq saqtaý basqarmasynyń málimetinshe, qaitys bolǵan alty naýqastyń úsheýi oraza ustaǵan eken.
Budan buryn bas imam aýzy berik qaýymǵa úndeý jasap, aýrý belgilerin baiqaǵan jaǵdaida, orazany toqtatyp, dárigerge qaralýǵa shaqyryp, jiberip alǵan kúnderin keiin óteýge bolatynyn atap ótken edi.
Elimizde meningit indetinen 13 adam qaitys boldy.
