الماتىدا مەنينگيتتەن قايتىس بولعان 27 جاستاعى ٶرت سٶندٸرۋشٸ ولجاس سٷلەيمەنوۆتىڭ ٶلٸمٸنە قاتىستى مەن-جاي بەلگٸلٸ بولدى, دەپ حابارلايدى Sputnik تٸلشٸسٸ.
اسفەنديياروۆ اتىنداعى قازۇمۋ جۇقپالى اۋرۋلار كافەدراسىنىڭ مەڭگەرۋشٸسٸ امانگٷل دٷيسەنوۆانىڭ ايتۋىنشا, ەر ادامنىڭ اۋزى بەرٸك بولعان.
"ستاتسيونارعا قارالعان سوڭ, بٸزدٸڭ كەڭەسٸمٸزگە قاراماستان اۋرۋحاناعا جاتۋدان باس تارتتى. وعان جازىپ بەرگەن دەرٸ-دەرمەكتٸ دە ٸشپەگەن. سونداي ەلسٸز ەرٸ ناۋقاس حەلدە ٷيٸنە بارىپ, ۇيىقتاپ قالادى. تۋىستارى دەمالىپ جاتقان شىعار دەپ مازاسىن الماعان. اۋرۋى ەبدەن اسقىنىپ, حەل ٷستٸندە جاتقاندا ستاتسيونارعا جەتكٸزٸلدٸ", — دەدٸ امانگٷل دٷيسەنوۆا بريفينگتە.
الماتى دەنساۋلىق ساقتاۋ باسقارماسىنىڭ مەلٸمەتٸنشە, قايتىس بولعان التى ناۋقاستىڭ ٷشەۋٸ ورازا ۇستاعان ەكەن.
بۇدان بۇرىن باس يمام اۋزى بەرٸك قاۋىمعا ٷندەۋ جاساپ, اۋرۋ بەلگٸلەرٸن بايقاعان جاعدايدا, ورازانى توقتاتىپ, دەرٸگەرگە قارالۋعا شاقىرىپ, جٸبەرٸپ العان كٷندەرٸن كەيٸن ٶتەۋگە بولاتىنىن اتاپ ٶتكەن ەدٸ.
ەلٸمٸزدە مەنينگيت ٸندەتٸنەن 13 ادام قايتىس بولدى.
