20 jastaǵy amerikalyq Makken Karterde qalyn aldyryp tastaǵandyqtan bes mi isigi paida bolǵan, - dep habarlaidy Vesti.ru agenttigi.
2017 jyly amerikalyq qyzda melanomanyń birinshi deńgeii anyqtalǵan. Nátijesinde dárigerler onyń arqasyndaǵy qaldy aldyryp tastaýǵa sheshim qabyldaǵan. Dárigerler de, qalyn aldyrǵan qyz da qaterli isiktiń kózi joiylǵanyna senimdi bolǵan.
Bir jyldan keiin Makken Karter tumaý belgileri men basynyń jii aýyratynyn baiqaǵan. Dárigerler kompiýterlik tomografiia boiynsha bes mi isigin jáne qaterli isiktiń baýyryna, ókpesine jáne súiekterine aýyp ketkenin anyqtaǵan.
20 jastaǵy amerikalyq qyz birden himioterapiia kýrsyn bastaǵanymen em-dom sharasy kómektese almaǵan. Isiktiń biri qansyrap, ony alyp tastaýǵa týra kelgen. Jarty jylǵy em nátijesiz bolǵan. Sóitip Karter ólimge daiyndala bastaǵan. Naýqastyń sózinshe, sol sátte ol qaitys bolatynyn sezgen.
