Memlekettik satyp alýlarda 4 mlrd teńgeniń qarjylyq buzýshylyqtary anyqtaldy. Bul týraly búgin Úkimet otyrysynda QR Qarjy ministri Erulan Jamaýbaev aitty, dep habarlaidy QazAqparat.
«Osy jyldyń 2 aiynda 2,4 trln teńgeden astam somaǵa shamamen 149 myń memlekettik satyp alý rásimi kameraldyq baqylaýmen qamtyldy. Tekserý qorytyndylary boiynsha 7 437 rásim buzýshylyqtar anyqtaldy. Onyń ishinde memlekettik aýdit obektileri buzýshylyqtardy joiý týraly habarlamalardyń 90 paiyzdan astamyn oryndady. 328 aýditorlyq is-shara ótkizildi», - dedi ol.
Ministrdiń dereginshe, aýditpen 1 trln 226 mlrd teńge biýdjet qarajaty qamtyldy. Somasy 4 mlrd teńgege qarjylyq buzýshylyqtar anyqtaldy.
«Taýarlardy jetkizý, qyzmetterdi kórsetý men jumystardy oryndaý, biýdjetke óteý jáne esepke alý jolymen 2 mlrd teńgege buzýshylyqtar joiyldy. Aýdit obektileri qyzmetiniń tiimdiligin jetildirý jáne arttyrý úshin 226 usynym berildi», - dedi Erulan Jamaýbaev.
