Foto: Aikyn.kz
QR Joǵary aýditorlyq palatasy men memlekettik aýdit organdary tekserý nátijeleri boiynsha memlekettik biýdjet qarajatyn paidalanýdaǵy zańbuzýshylyqtardy anyqtady. Jalpy somasy 237 milliard teńgeden asady, - dep habarlaidy Tengrinews.kz.
Aýditorlar deregine sáikes, byltyr qarjylyq zańbuzýshylyqtardyń eń kóp kólemi ákimdikterdiń respýblikalyq biýdjetten bólingen nysanaly transfertterdi respýblikalyq biýdjetten qarjylandyrylatyn memlekettik mekemelerde, sondai-aq respýblikalyq baǵynystaǵy kvazimemlekettik sektor sýbektilerinde paidalaný kezindegi zańbuzýshylyqtar bolǵan. Mundai derekter búgin Májilistiń otyrysynda aityldy.
Ministrlikter arasynda zańbuzýshylyqtardyń negizgi úlesi Qorǵanys (5,1 milliard teńgeden asa), Indýstriia jáne infraqurylymdyq damý (2,9 milliard teńgeden asa), Mádeniet jáne sport (1,3 milliard teńgeden asa), sondai-aq Tótenshe jaǵdailar (1 milliard teńgeden asa) ministrligine tiesili.
Joǵary aýditorlyq palatasynyń tóraiymy Natalia Godýnovanyń aitýynsha, tekserý sharalarynyń nátijesinde jinalǵan materialdardyń bir bóligi quqyq qorǵaý organdaryna berilgen.
"Protsessýaldyq sheshim qabyldaý úshin barlyǵy 15 material usynyldy, 6 material boiynsha qylmystyq is qozǵaldy, sotaldy tergeý amaldary júrgizilip jatyr, nátijeleri aiaqtalǵannan keiin belgili bolady. Eki material ýákiletti organdarǵa qosymsha tekserýge jiberildi, jeteýi boiynsha óndiris toqtatyldy", - dedi Godýnova.
