Áleýmettik-saiasi zertteý bóliminiń ǵylymi qyzmetkeri Aidana Akesina karantindi uzartý týraly biliktiń sheshimine qatysty pikir bildirdi, dep habarlaidy QazAqparat.
«Óńirler arasyndaǵy avtobýs qatynasyn toqtatý, qalalardaǵy qoǵamdyq kólikterdiń jumysyn shekteý, buqaralyq is-sharalardy ótkizýge tyiym salý, jabyq bazarlardyń, sulýlyq salondarynyń, kinoteatrlardyń, dini nysandardyń qyzmetin toqtatý sekildi engizilgen shekteýlerdiń arqasynda búginde statsionarlardyń jumysy 43 paiyzǵa, reanimatsiialyq palatalardyń jumysy 27 paiyzǵa, sondai-aq jedel járdem shaqyrtýshylardyń sany azaiǵany belgili boldy», - dedi Aidana Akesina.
Onyń aitýynsha, jekelegen jerlerde adamdardyń toptasyp júrýi, mádeni bailanystyń joǵary deńgeii siiaqty áleýmettik faktorlar bizdiń qoǵam úshin qosymsha qaýipter týǵyzady.
«Sondyqtan 3 tamyzdan bastap qatań karantindi uzartý, eń aldymen, engizilgen shekteýlerdiń oń áserin «nyǵaitýǵa» jáne bolashaqta aýrýdyń qaitadan ósýine daiyn bolý úshin qajet. Osy ýaqyt ishinde óńirlerde dárilik zattarmen qamtamasyz etý úshin turaqtandyrý qorlary quryldy, al statsionarlarda Covid-19 emdeýge arnalǵan dárilerdiń bir ailyq qory quryldy. Qazirgi ýaqytta memleketimiz virýstyń kóbeiý deńgeiin jáne densaýlyq saqtaý júiesiniń jumysyn azaitý máselesine basymdyq berip otyr. Bul aýrýhanaǵa shuǵyl jatqyzýdy qajet etetin árbir naýqasqa ýaqytyly meditsinalyq kómek kórsetýge múmkindik beredi», - dep atap ótti sarapshy.
Ol buǵan deiin sanitarlyq-epidemiologiialyq jaǵdaidy turaqtandyrýdyń oń qarqyny baiqalǵan elderge, mysaly Germaniia, Ispaniia, Qytai jáne basqa da elderge virýstyq infektsiianyń qaita órship jatqanyn atap ótti.
«Bul virýstyń esh jerde múldem joǵalyp ketpeitinin taǵy bir ret eske salady. Tek úkimet engizgen shekteý sharalary men azamattardyń ózin-ózi tárbieleýiniń arqasynda aýrýdyń taralý deńgeii baiaýlaidy. Kún saiyn adamzat Covid-19 virýsymen aýyrǵandardyń aýrýynyń asqynýy túrindegi onyń jańa qysqa merzimdi jáne uzaq merzimdi saldary týraly biledi. Bul onyń popýliatsiia úshin qaýiptiligin jaýapkershilikpen qabyldaý qajet ekenin taǵy bir ret rastaidy», - dep túiindedi A. Akesina.
