Kókshetaý qalasynda turatyn Ásem Álieva memleket tarapynan berilgen 42 500 teńge mólsherindegi áleýmettik tólem otbasy úshin úlken kómek bolǵanyn aitty, dep habarlaidy QazAqparat tilshisi.
«Elimizde karantin rejiminiń jariialanýyna bailanysty beriletin 42 500 teńge mólsherindegi áleýmettik tólemdi keshe aldym. Bul qarajat qazirgi ýaqytta otbasym úshin úlken kómek boldy. Kiim-keshek satatyn dúkende satýshy bolyp jumys isteimin jáne karantinge bailanysty jumysymyz toqtap tur. Sondyqtan eńbek demalysyndamyz. Biraq, eńbek demalysy ýaqytynyń aiaqtalýyna bailanysty endi aqysyz demalystamyz desek te bolady. Mine, osyndai kezde memleket tarapynan berilgen kómek úlken demeý jáne otbasymyzǵa bir ailyq azyq-túlik alýǵa jetkilikti», - dedi ol.
Ásem joldasymen 2 balany tárbielep otyr. Ózderiniń jeke páterleri joq. Sondyqtan ony jaldaýǵa májbúr.
«Joldasym qaladaǵy firmalardyń birinde montajdaýshy bolyp jumys isteidi. Alaida, onyń tabysy jaldap turyp jatqan páterimizdiń aqysyna, kommýnaldyq tólem jasaýǵa ketedi», - dedi Ásem Álieva.
.jpeg)