Qazaqstanda osy jyldyń alǵashqy úsh aiynda memlekettik satyp alý salasyndaǵy 19 adam sottaldy, dep habarlaidy QazAqparat.
«Memlekettik satyp alý salasynda eskertý jumystary qalai júrgiziledi? Qansha qarajatty únemdep qaldyq? Mamyr aiynyń basyna deiin 2 mlrd 800 mln teńge qarajatty únemdep qaldyq. Bul somanyń bir bóligi biýdjetke qaitaryldy, bir bóligine basqa da satyp alý júrgizildi», - dedi Sybailas jemqorlyqqa qarsy is-qimyl agenttiginiń preventsiia departamentiniń sybailas jemqorlyqqa qarsy departamentiniń basqarmasy basshysy Daniiar Iakýpov agenttikte ótken onlain rejimdegi baspasóz máslihatynda.
Agenttik ókiliniń aitýynsha, osy jyldyń birinshi toqsanynyń qorytyndysy boiynsha memlekettik satyp alý salasyndaǵy 19 adam sottalǵan. Olardyń is-áreketteriniń saldary 669 mln teńgelik shyǵyn keltirgen.
«Mysal retinde aita keteiin, biyl sáýir aiynda Almaty oblysynyń sybailas jemqorlyqqa qarsy qyzmetiniń mamandary 247 mln teńgeni únemdep qaldy. Osy somanyń 163 mln teńgesi bir tapsyrys berýshige qatysty. Ol – I.Jansúgirov atyndaǵy memlekettik ýniversitet. Sonymen qatar Túrkistan oblysyndaǵy departament negizgi kelisimge tirkelgen qosymsha kelisimdi bekitý isin shektep, kelisim boiynsha somany 32 mln teńgeden 35 mln teńgege arttyrýǵa jol bermedi. Ol qosymsha kelisimdi Kentaý qalalyq TÚKSh jáne turǵyn úi inspektsiiasy jasamaq bolǵan», - dedi ol.
