قازاقستاندا وسى جىلدىڭ العاشقى ٷش ايىندا مەملەكەتتٸك ساتىپ الۋ سالاسىنداعى 19 ادام سوتتالدى, دەپ حابارلايدى قازاقپارات.
«مەملەكەتتٸك ساتىپ الۋ سالاسىندا ەسكەرتۋ جۇمىستارى قالاي جٷرگٸزٸلەدٸ? قانشا قاراجاتتى ٷنەمدەپ قالدىق? مامىر ايىنىڭ باسىنا دەيٸن 2 ملرد 800 ملن تەڭگە قاراجاتتى ٷنەمدەپ قالدىق. بۇل سومانىڭ بٸر بٶلٸگٸ بيۋدجەتكە قايتارىلدى, بٸر بٶلٸگٸنە باسقا دا ساتىپ الۋ جٷرگٸزٸلدٸ», - دەدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ پرەۆەنتسييا دەپارتامەنتٸنٸڭ سىبايلاس جەمقورلىققا قارسى دەپارتامەنتٸنٸڭ باسقارماسى باسشىسى دانييار ياكۋپوۆ اگەنتتٸكتە ٶتكەن ونلاين رەجيمدەگٸ باسپاسٶز مەسليحاتىندا.
اگەنتتٸك ٶكٸلٸنٸڭ ايتۋىنشا, وسى جىلدىڭ بٸرٸنشٸ توقسانىنىڭ قورىتىندىسى بويىنشا مەملەكەتتٸك ساتىپ الۋ سالاسىنداعى 19 ادام سوتتالعان. ولاردىڭ ٸس-ەرەكەتتەرٸنٸڭ سالدارى 669 ملن تەڭگەلٸك شىعىن كەلتٸرگەن.
«مىسال رەتٸندە ايتا كەتەيٸن, بيىل سەۋٸر ايىندا الماتى وبلىسىنىڭ سىبايلاس جەمقورلىققا قارسى قىزمەتٸنٸڭ ماماندارى 247 ملن تەڭگەنٸ ٷنەمدەپ قالدى. وسى سومانىڭ 163 ملن تەڭگەسٸ بٸر تاپسىرىس بەرۋشٸگە قاتىستى. ول – ٸ.جانسٷگٸروۆ اتىنداعى مەملەكەتتٸك ۋنيۆەرسيتەت. سونىمەن قاتار تٷركٸستان وبلىسىنداعى دەپارتامەنت نەگٸزگٸ كەلٸسٸمگە تٸركەلگەن قوسىمشا كەلٸسٸمدٸ بەكٸتۋ ٸسٸن شەكتەپ, كەلٸسٸم بويىنشا سومانى 32 ملن تەڭگەدەن 35 ملن تەڭگەگە ارتتىرۋعا جول بەرمەدٸ. ول قوسىمشا كەلٸسٸمدٸ كەنتاۋ قالالىق تٷكش جەنە تۇرعىن ٷي ينسپەكتسيياسى جاساماق بولعان», - دەدٸ ول.
