QR Prezidenti Memlekettik rámizderdi paidalaný qaǵidalaryn qaita qaraý qajet ekenin aitty, dep habarlaidy "Ult aqparat".
«Parlamenttiń birqatar depýtattary men patriot azamattardyń elimizdiń memlekettik rámizderin, atap aitqanda, QR memlekettik týyn keńinen qoldaný týraly usynysyn qoldaimyn» dep jazdy Qasym-Jomart Toqaev Twitter-degi paraqshasynda.
Sondai-aq, Prezident Memlekettik rámizderdi paidalaný qaǵidalaryn qaita qaraý qajet ekenin atap ótti.
«Qoldanystaǵy zańnamada týymyzdy paidalanýǵa qatysty shekteýler bar. Mysaly, páterlerdiń balkonyna nemese úilerdiń qabyrǵasyna tý ilýge tiym salynǵan. Zańnamalyq jáne normativtik aktilerdi, eń aldymen, Memlekettik rámizderdi paidalaný qaǵidalaryn qaita qaraý qajet» dep jazdy ol.
