«Nur Otan» partiiasy janyndaǵy «Memlekettik qyzmet kórsetý» baǵyty boiynsha komissiianyń alańynda memlekettik qyzmet kórsetýdiń sapasy talqylandy, dep habarlaidy "Ult aqparat".
Nurotandyqtar «Azamattarǵa arnalǵan úkimet» memlekettik korporatsiiasynyń jelisi boiynsha egov.kz portaly jaqsy jumys istep turǵanyn, alaida keide «Elektrondyq úkimet» portalynda oryn alatyn aqaý kóbine memlekettik organdardyń kinásinen bolatynyn atap ótti.
Komissiia tóraǵasy, Májilis depýtaty Maira Aisinanyń aitýynsha, osy jyly túrli memlekettik organdardaǵy aqparattyq júielerdiń jumysynda aqaýlar oryn alǵan. Bul óz kezeginde qandai da bir anyqtamany egov.kz. portalynan alýdy qiyndaty jiberedi. Bul jaǵdaida jaýapkershilik Memlekettik korporatsiiaǵa júktelmeidi dep esepteidi komissiia músheleri.
Otyrysqa qatysýshylar memlekettik organdardyń IT-júielerin qurýdy naqty kimge tapsyratynyna erekshe nazar aýdardy. Mysaly, «Aqparattandyrý týraly» Zańǵa sáikes barlyq ministrlikterde aqparattyq arhitektýra birdei bolýy tiis, al biryńǵai ázirleýshi «Ulttyq aqparattyq tehnologiialar» AQ bolýy kerek.
«Nege syrtqa tapsyrys beresizder, iaǵni munda jemqorlyqqa múmkindik ashylyp tur ǵoi? «UAT»-ǵa tapsyrys berýlerińiz kerek, olar aqparattyq júie úshin qansha qarajat qajet ekenin aitsyn. Áitpese, kim qansha qalasa, sonsha suraidy. Mysaly, ákimdikterdi alatyn bolsaq, bireýlerine 100 mln, al endi bireýlerine 1 mlrd qajet» ,-dedi Maira Aisina.
Ortalyq memlekettik organdardaǵy aqparattyq júielerdiń jumys isteýin qamtamasyz etý úshin jumsalatyn qarajatta da osyǵan uqsas jaǵdai. Biýdjetten aqsha jetkilikti mólsherde bólinedi, biraq, ókinishke qarai, aqparattyq júielerdegi aqaýlar azaimai tur.
Degenmen, «Memlekettik qyzmet kórsetý» partiialyq komissiiasynyń otyrysynda tek túiindi máseleler ǵana talqylanǵan joq.
Máselen, Tsifrlyq damý vitse-ministri Abylaihan Ospanov biylǵy 10 aida HQKO-da 14,3 mln, al egov.kz platformasynda 30 millionnan astam memlekettik qyzmet kórsetilgenin atap ótti. Bul halyqtyń tsifrlyq saýattylyǵynyń birtindep óskenin kórsetedi. Sonymen qatar, koronavirýstyq pandemiia jáne onymen bailanysty karantindik shekteý sharalary azamattardyń memlekettik qyzmetterdi onlain rejimde alýyna qosymsha yntalandyrý boldy.
«Bul jerde týyndaǵan taǵy bir másele 1414 bailanys ortalyǵynyń jumysyna qatysty boldy. Karantinge bailanysty júkteme birneshe ese ósip, operatorlar jetispedi. Qońyraýlar sany kúnine 5-ten 50 myńǵa deiin ósti. Sondyqtan biz azamattarǵa qyzmet kórsetý úshin memlekettik korporatsiianyń 2 myńǵa jýyq qyzmetkerin jedel jumyldyrdyq», - dedi Abylaihan Ospanov.
Otyrysty qorytyndylai kele, partiialyq komissiia músheleri QR Sybailas jemqorlyqqa qarsy is-qimyl agenttigine jáne QR Memlekettik qyzmet isteri agenttigine aldaǵy ýaqytta tehnikalyq irkilisterge jol bermeý úshin túrli vedomstvolardyń ózderiniń aqparattyq júielerin qurýǵa jáne qoldaýǵa aqshany qalai jumsaitynyn muqiiat tekserýdi usyndy.
