Memlekettik organdardyń ár sheshimi, ár is-qimyly ekonomikany damytýǵa jáne halyqtyń igiligine baǵyttalýy tiis. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat tilshisi.
«Memleket basshysy ómir súrý sapasyn jaqsartý jáne halyqtyń tabysyn arttyrý – basty mindet ekendigin atap ótti. Memlekettik organdardyń ár sheshimi, ár is-qimyly ekonomikany damytýǵa jáne halyqtyń igiligine baǵyttalýy tiis», - dedi ol.
Asqar Mamin memlekettik organdarǵa QR Prezidentiniń tapsyrmalaryn oryndaý jónindegi sharalar josparyna qosý úshin usynystardy búgingi kúnniń sońyna deiin Ekonomika ministrligine engizýdi tapsyrdy.
«Ulttyq ekonomika ministrligi eki kún merzimde Úkimettiń keńeitilgen otyrysynda berilgen Prezident tapsyrmalaryn oryndaý jónindegi Jol kartasyn Premer-Ministrdiń Keńsesine engizsin. Jospardyń iske asyrylýyn baqylaý jáne úilestirý Álihan Ashanuly, ózińizde», - dedi Premer-Ministr óziniń birinshi orynbasary Álihan Smaiylovqa qarata.
.jpeg)