2021 jyly 4 naýryzda QR Premer-Ministri Asqar Mamin QR Prezidenti janyndaǵy Ekonomikalyq ósimdi qalpyna keltirý jónindegi memlekettik komissiianyń otyrysyn ótkizdi, dep habarlaidy "Ult aqparat" Úkimettiń resmi saityna silteme jasap.
Jańa ekonomikalyq shynaiylyq jaǵdaiynda iskerlik belsendilikti yntalandyrý máseleleri qaraldy. Ulttyq ekonomika ministri Áset Erǵaliev, «Atameken» UKP basqarma tóraǵasy Abylai Myrzahmetov, QR Qarjy naryǵyn retteý jáne damytý agenttiginiń tóraǵasy Mádina Ábilqasymova, Premer-Ministrdiń birinshi orynbasary Álihan Smaiylov baiandama jasady.
2020 jyldan bastap ulttyq ekonomikadaǵy qalpyna keltirý serpinin qamtamasyz etý maqsatynda jumyspen qamtýǵa járdemdesýdi, kásipkerlik qyzmetti jandandyrýdy, tsifrlandyrýdy, AÓK áleýetin ashýdy, sondai-aq turǵyn úi-kommýnaldyq, kólik, áleýmettik jáne saýda infraqurylymyn damytýdy kózdeitin daǵdarysqa qarsy sharalardyń birneshe toptamasy qabyldandy.
2020 jyly COVID-19 pandemiiasynyń saldarynan ekonomikanyń eń kóp zardap shekken sektorlarynyń biri shaǵyn jáne orta biznes boldy. Osyǵan bailanysty, biyl «Atameken» UKP 50 myńnan astam kásipkerge qosymsha qoldaý sharalaryna qajettilik turǵysynan saýalnama júrgizdi.
Saýalnama nátijeleriniń negizinde 4 baǵyt: bizneske júktemeni azaitý, qarjylandyrýǵa, suranys naryqtaryna jáne sapaly adam resýrstaryna qoljetimdilikti keńeitý boiynsha 24 sharadan turatyn qosymsha paket ázirlendi. Jańa sharalar toptamasy a.j. 26 aqpanda Memleket basshysy Qasym-Jomart Toqaevtyń tóraǵalyǵymen ótken Reformalar jónindegi joǵary keńes aiasynda qaraldy.
Sharalar kesheni ekonomikanyń zardap shekken salalaryndaǵy ShOB sýbektileriniń EQJJ tizbesin 2021 jylǵy 1 maýsymǵa deiin jeńildikti sharttarmen qaita qarjylandyrý úshin 29-dan 174-ke deiin keńeitýdi, memlekettik múlik obektileri jáne kvazimemlekettik sektor múlki boiynsha jaldaý tólemderin esepteýden 2021 jylǵy 1 shildege deiin ShOB zardap shekken sýbektilerin bosatýdy uzartýdy, aǵymdaǵy jyldyń sońyna deiin múlik salyǵyn tóleýden bosatýdy uzartýdy, jumys berýshiden alǵan qorǵaý qarajaty túrinde kásipkerlik sýbektileri jumyskerleriniń tabystaryn JTS-dan bosatýdy, memlekettik organdar men kvazimemlekettik sektor sýbektileriniń bastamasy boiynsha zańdy tulǵalar men jeke kásipkerlerdiń bankrottyǵyna moratoriidi 2021 jylǵy 1 shildege deiin uzartý, otandyq taýar óndirýshilerdiń memlekettik satyp alýǵa qoljetimdiligin arttyrý, «Damý» KDQ» AQ kepildik berý quralyn Ulttyq banktiń jeńildikpen nesielendirý baǵdarlamasyna taratýdy qamtidy.
Qosymsha sharalar paketi ozyq qalpyna keltirý serpinin jáne jańa ekonomikalyq shynaiylyq jaǵdaiynda iskerlik belsendilikti yntalandyratyn ekojúieni qalyptastyrýdy qamtamasyz etýge múmkindik beredi.
Tikelei is-qimyl sharalary aǵymdaǵy jyly JIÓ-niń 3%-ǵa ósýine qol jetkizýge yqpal etetin bolady, 3,3 mln-nan astam adam jumys isteitin 1,2 mln-nan astam kásipkerlik sýbektilerin qoldaýdy qamtamasyz etedi.
Premer-Ministr Parlament Májilisine 25 naýryzǵa deiin engizý úshin Ulttyq ekonomika ministrligine qoldanystaǵy zańnamaǵa tiisti túzetýler toptamasyn aǵymdaǵy jyldyń 12 naýryzyna deiin Úkimetke engizýdi tapsyrdy.
