Foto: KazakhExport
Saýda jáne integratsiia vitse-ministri Qairat Tórebaev ortalyq kommýnikatsiialar qyzmetinde eksportqa óńdelgen ónim shyǵaratyn kez kelgen kompaniia memlekettik qoldaý alýǵa quqyly ekenin málimdedi, dep habarlaidy Sputnik Qazaqstan saity.
"Eksporttaýshy kompaniialardyń arasynda jyl saiyn memlekettik qoldaý alatyndar az emes. Oǵan qosa, olar Forbes tizimine kiretin oligarhtarǵa tiesili. Máselen, Kentaý transformator zaýyty bar. Iesi Saidolla Qojabaev 41-orynda tur. Al "QazAzot" kompaniiasynyń mojaritarlyq aktsioneri, oligarh Ablazimov Forbes-te 28-shi orynda. Osy siiaqty kompaniialar nege memlekettik qoldaý alady?", - dep surady tilshiler.
Tórebaevtyń aitýynsha, ondai kompaniialarǵa "KazakhExport" AQ aiasynda qoldaý kórsetiledi. Sonyń aiasynda oligarhtarǵa ǵana qoldaý jasalady degen jańsaq pikir qalyptasqan.
"Negizi qoldaý sharalary kezinde belgili adamdarǵa nemese kompaniialar tobyna basymdyq berilmeidi. Eksportqa óńdelgen ónim shyǵaratyn kez kelgen kompaniia qoldaýǵa ie bola alady. Jańaǵy kompaniialar iri kompaniialar tobyna kiredi. Alaida búginde KazakhExport-tan qoldaý alǵan eksporttaýshy kompaniialardyń 71 protsentten astamy - shaǵyn jáne orta biznes. Sonyń ishinde shaǵyn bizneske 47 protsent tiesili bolsa, orta biznes 14 protsentin alyp otyr. Sondyqtan ol jerde adamdarǵa qarap qoldaý jasamaidy. Al iri biznes 29 protsentke ie", - dedi Tórebaev.
Osy oraida jýrnalister memlekettik qoldaý alatyn iri kompaniialardyń tizimi men qarjynyń somasyn kórsetýdi surady. Vitse-ministr kelisti. Biraq aqparat qupiia bolsa, bere almaitynyn jetkizdi.
"Qupiia bolmasa, aqparatty berýge daiynbyz. Óitkeni qoldaý kórsetilgende keibir aqparattar qupiia bolady. Zań boiynsha solai. Al ashyq aqparatty tolyǵymen berýge ýáde etemiz", - dep túiindedi Tórebaev.
