Qazaqstan et jáne sút ónimderin eksporttaityn óńirlik iri elge ainalýy tiis. Bul týraly Jazylbek Qýanyshbaevtyń 125 jyldyǵyna arnalǵan «Qazaqstannyń qoi sharýashylyǵy: ótkeni, búgini jáne keleshegi» taqyrybyndaǵy konferentsiiada QR Memlekettik hatshysy Qyrymbek Kósherbaev aitty, dep habarlaidy QazAqparat.
«Qazaqstan et jáne sút ónimderin eksporttaityn óńirlik iri elge ainalýy tiis. Egin sharýashylyǵynda sýdy kóp qajet etetin, tiimdiligi tómen daqyldar kólemin qysqartý, olardy kókónis pen maily jáne azyqtyq ónimdermen almastyrý jolyna betburýymyz kerek. Agrohimikattardy tiimdi tutynýdyń, qýań jerlerde topyraqty nóldik óńdeýdiń zamanaýi tehnologiialarmen ózge de innovatsiialardy qoldanýdy keńeitýdiń keshendi sharalary qajet», - dedi Qyrymbek Kósherbaev.
Osy rette Memlekettik hatshy «Shopan ata» ulttyq qoi ósirýshiler qaýymdastyǵynyń mal sharýashylyǵy salasynda qoi ósirýshilerge baǵyttalǵan aqparattyq platformasyna nazar aýdararýdy basa aitty. Bul platforma qoishy qaýymnyń muń-muqtajyn ortaǵa sala otyryp, jan-jaqty tájiribe alýǵa baǵyttalǵanyn atap ótti.
«Shopan qaýymynyń mártebesin kóterý jolynda shopandar kúnin ótkizý týraly usynys quptarlyq bastama. Ulttyq qoi ósirýshiler qaýymdastyǵynda búgingi tańda 100-den astam sharýa qojalyǵy tirkelgen. Bul sharýashylyqtardyń artynda kóptegen sharýalar tur degen sóz. Qazaqtyń bolmysy tur, qazaqtyń dástúri tur dep aitýymyz kerek.
Uly Abaidyń:
Senbe jurtqa, tursa da qansha maqtap,
Áýre etedi ishine qýlyq saqtap.
Ózińe sen, ózińdi alyp shyǵar,
Eńbegiń men aqylyń eki jaqtap», degen sózin árbir otandasymyz jadynda ustasa eken. Sebebi, masyldyq bir ǵana adamnyń ǵana máselesi emes. Kerisinshe, birtutas memleket úshin úlken problema. Sondyqtan árbir azamat óziniń aqylyna súienip, eńbegine senip ómir súrse, sonda Táýelsizdigine 30 jyl tolǵan Qazaqstannyń qarqyndy damýy men órkendeýine jol ashylady degen sóz», - dedi Memlekettik hatshy.
