قازاقستان ەت جەنە سٷت ٶنٸمدەرٸن ەكسپورتتايتىن ٶڭٸرلٸك ٸرٸ ەلگە اينالۋى تيٸس. بۇل تۋرالى جازىلبەك قۋانىشباەۆتىڭ 125 جىلدىعىنا ارنالعان «قازاقستاننىڭ قوي شارۋاشىلىعى: ٶتكەنٸ, بٷگٸنٸ جەنە كەلەشەگٸ» تاقىرىبىنداعى كونفەرەنتسييادا قر مەملەكەتتٸك حاتشىسى قىرىمبەك كٶشەرباەۆ ايتتى, دەپ حابارلايدى قازاقپارات.
«قازاقستان ەت جەنە سٷت ٶنٸمدەرٸن ەكسپورتتايتىن ٶڭٸرلٸك ٸرٸ ەلگە اينالۋى تيٸس. ەگٸن شارۋاشىلىعىندا سۋدى كٶپ قاجەت ەتەتٸن, تيٸمدٸلٸگٸ تٶمەن داقىلدار كٶلەمٸن قىسقارتۋ, ولاردى كٶكٶنٸس پەن مايلى جەنە ازىقتىق ٶنٸمدەرمەن الماستىرۋ جولىنا بەتبۇرۋىمىز كەرەك. اگروحيميكاتتاردى تيٸمدٸ تۇتىنۋدىڭ, قۋاڭ جەرلەردە توپىراقتى نٶلدٸك ٶڭدەۋدٸڭ زاماناۋي تەحنولوگييالارمەن ٶزگە دە يننوۆاتسييالاردى قولدانۋدى كەڭەيتۋدٸڭ كەشەندٸ شارالارى قاجەت», - دەدٸ قىرىمبەك كٶشەرباەۆ.
وسى رەتتە مەملەكەتتٸك حاتشى «شوپان اتا» ۇلتتىق قوي ٶسٸرۋشٸلەر قاۋىمداستىعىنىڭ مال شارۋاشىلىعى سالاسىندا قوي ٶسٸرۋشٸلەرگە باعىتتالعان اقپاراتتىق پلاتفورماسىنا نازار اۋدارارۋدى باسا ايتتى. بۇل پلاتفورما قويشى قاۋىمنىڭ مۇڭ-مۇقتاجىن ورتاعا سالا وتىرىپ, جان-جاقتى تەجٸريبە الۋعا باعىتتالعانىن اتاپ ٶتتٸ.
«شوپان قاۋىمىنىڭ مەرتەبەسٸن كٶتەرۋ جولىندا شوپاندار كٷنٸن ٶتكٸزۋ تۋرالى ۇسىنىس قۇپتارلىق باستاما. ۇلتتىق قوي ٶسٸرۋشٸلەر قاۋىمداستىعىندا بٷگٸنگٸ تاڭدا 100-دەن استام شارۋا قوجالىعى تٸركەلگەن. بۇل شارۋاشىلىقتاردىڭ ارتىندا كٶپتەگەن شارۋالار تۇر دەگەن سٶز. قازاقتىڭ بولمىسى تۇر, قازاقتىڭ دەستٷرٸ تۇر دەپ ايتۋىمىز كەرەك.
ۇلى ابايدىڭ:
سەنبە جۇرتقا, تۇرسا دا قانشا ماقتاپ,
ەۋرە ەتەدٸ ٸشٸنە قۋلىق ساقتاپ.
ٶزٸڭە سەن, ٶزٸڭدٸ الىپ شىعار,
ەڭبەگٸڭ مەن اقىلىڭ ەكٸ جاقتاپ», دەگەن سٶزٸن ەربٸر وتانداسىمىز جادىندا ۇستاسا ەكەن. سەبەبٸ, ماسىلدىق بٸر عانا ادامنىڭ عانا مەسەلەسٸ ەمەس. كەرٸسٸنشە, بٸرتۇتاس مەملەكەت ٷشٸن ٷلكەن پروبلەما. سوندىقتان ەربٸر ازامات ٶزٸنٸڭ اقىلىنا سٷيەنٸپ, ەڭبەگٸنە سەنٸپ ٶمٸر سٷرسە, سوندا تەۋەلسٸزدٸگٸنە 30 جىل تولعان قازاقستاننىڭ قارقىندى دامۋى مەن ٶركەندەۋٸنە جول اشىلادى دەگەن سٶز», - دەدٸ مەملەكەتتٸك حاتشى.
