Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Saiasi qýǵyn-súrgin qurbandaryn tolyq aqtaý jónindegi memlekettik komissiianyń qyzmetin uiymdastyrý máseleleri jóninde keńes ótti, dep habarlaidy Aqorda.
Beinekonferentsbailanys formatynda uiymdastyrylǵan keńeske quqyq qorǵaý organdarynyń basshylary, Nur-Sultan, Almaty, Shymkent qalalary men oblystardyń ákimderi, QR Prezidenti Ákimshiligi janyndaǵy jumys tobynyń músheleri qatysty.
Keńes barysynda ǵalymdar men sarapshylardyń arhivter men jabyq qorlardaǵy zertteý jumystary, saiasi qýǵyn-súrgin qurbandaryn aqtaý jónindegi óńirlik komissiialardyń jumysyn uiymdastyrý máseleleri talqylandy.
Sondai-aq saiasi qýǵyn-súrgin qurbandaryn tolyq aqtaý jónindegi memlekettik komissiianyń qyzmetin súiemeldeý jónindegi jobalyq ofistiń qyzmetin uiymdastyrý máselesi qaraldy.
Júrgizilgen jumystyń qorytyndysy boiynsha ortalyq jáne jergilikti atqarýshy organdarǵa «Saiasi qýǵyn-súrgin qurbandaryn tolyq ońaltý jónindegi memlekettik komissiia týraly» QR Prezidenti Jarlyǵynyń mindetterin jan-jaqty iske asyrýdy qamtamasyz etetin uiymdastyrý-tehnikalyq jáne zertteý is-sharalary keshenin ótkizý týraly birqatar tapsyrmalar berildi.
