2017 jyly Memleket basshysynyń bastamasymen ekonomikalyq ósimniń jańa modelin qalyptastyrýǵa baǵyttalǵan Úshinshi jańǵyrý bastaldy. Alǵashqy nátijeler ekonomikanyń nyq qalpyna kelý úrdisin kórsetýde: biyl elimizdiń ishki jalpy ónimi 3,5 paiyzǵa ósti. Bul týraly Memlekettik hatshysy Gúlshara Ábdiqalyqova Eýraziiadaǵy evrei qaýymyn qoldaý ulttyq koalitsiiasynyń tóraǵasy Daniel Rýbinmen kezdesý barysynda aitty, dep habarlady "Ult aqparat" Aqordanyń baspasóz qyzmetine silteme jasap.
Kezdesý barysynda Qazaqstandaǵy evrei qaýymynyń qyzmeti, qazirgi zamanǵy syn-qaterlerge qarsy turý úshin kúsh biriktirý jáne dinaralyq kelisimniń qazaqstandyq modeli jónindegi máseleler talqylandy.
Memlekettik hatshy AQSh Qazaqstannyń mańyzdy strategiialyq seriktesiniń biri ekendigin atap ótti.
G.Ábdiqalyqova Qazaqstan Prezidentiniń Birikken Ulttar Uiymy aiasynda Jahandyq antiterroristik jeli qurý jónindegi bastamasy ózekti ekenin aitty. Elimizdiń 2017-2018 jyldary BUU Qaýipsizdik Keńesine turaqty emes múshe bolyp sailanýy – ekijaqty ózara is-qimylymyzdyń kemeline kelýiniń taǵy bir aiǵaǵy.
Qazaqstan 2050 jylǵa qarai álemdegi ozyq damyǵan 30 memlekettiń qataryna qosylý maqsatyn alǵa qoiyp otyr. 2017 jyly Memleket basshysynyń bastamasymen ekonomikalyq ósimniń jańa modelin qalyptastyrýǵa baǵyttalǵan Úshinshi jańǵyrý bastaldy. Alǵashqy nátijeler ekonomikanyń nyq qalpyna kelý úrdisin kórsetýde: biyl elimizdiń ishki jalpy ónimi 3,5 paiyzǵa ósti.
Memlekettik hatshy rýhani jańǵyrýdyń basty talaby tól mádenietimiz ben ulttyq kodty saqtaý ekendigin aitty.
G.Ábdiqalyqovanyń málimdeýinshe, respýblikada 100-den astam etnos ókilderi turady. Qoǵamdyq kelisim men jalpyulttyq birliktiń qazaqstandyq modeli etnostardyń qoǵamdyq birlestikterge birigýiniń jáne memleketpen ózara árekettesýiniń negizinde qalyptastyryldy. Elimizde 1338 etnomádeni birlestik, sonyń ishinde 29 respýblikalyq dárejedegi birlestik jáne 39 Dostyq úii bar.
Kelissóz barysynda Qazaqstan Batys pen Shyǵystyń ortaq syn-qaterlerge tótep berýine qatysty ustanymdaryn jaqyndastyra túsý úshin talpynys jasap otyrǵany aityldy. Álemdik jáne dástúrli dinder kóshbasshylarynyń sezi arqyly Qazaqstan álemdik jetekshi konfessiialardyń jahandyq beibitshilik pen kelisimdi ornyqtyrý jolyndaǵy umtylystarynyń alańyna ainaldy.
Sońynda Gúlshara Ábdiqalyqova Daniel Rýbinniń Qazaqstandaǵy saparynyń jaqsy ótýine niettestik bildirip, tabys tiledi.
Anyqtama:
Evrei diasporasy eldegi basqa da etnostar sekildi óz dini men dástúrin emin-erkin ustanyp keledi. 1992 jyldan beri 20 etnomádeni birlestikti, qaiyrymdylyq maqsattaǵy 13 hesedty jáne 13 qaýymdyq ortalyqty qamtityn Evrei ulttyq uiymdarynyń «Mitsva» qaýymdastyǵy jumys isteýde. 2009 jylǵy halyq sanaǵy boiynsha, respýblikada 3485 evrei ómir súrip jatyr.
.jpeg)