گٷلشارا ەبدٸقالىقوۆا: بيىل ەلٸمٸزدٸڭ ٸشكٸ جالپى ٶنٸمٸ 3,5 پايىزعا ٶستٸ

كەزدەسۋ بارىسىندا قازاقستانداعى ەۆرەي قاۋىمىنىڭ قىزمەتٸ, قازٸرگٸ زامانعى سىن-قاتەرلەرگە قارسى تۇرۋ ٷشٸن كٷش بٸرٸكتٸرۋ جەنە دٸنارالىق كەلٸسٸمنٸڭ قازاقستاندىق مودەلٸ جٶنٸندەگٸ مەسەلەلەر تالقىلاندى.

مەملەكەتتٸك حاتشى اقش قازاقستاننىڭ ماڭىزدى ستراتەگييالىق سەرٸكتەسٸنٸڭ بٸرٸ ەكەندٸگٸن اتاپ ٶتتٸ.

گ.ەبدٸقالىقوۆا قازاقستان پرەزيدەنتٸنٸڭ بٸرٸككەن ۇلتتار ۇيىمى اياسىندا جاھاندىق انتيتەرروريستٸك جەلٸ قۇرۋ جٶنٸندەگٸ باستاماسى ٶزەكتٸ ەكەنٸن ايتتى. ەلٸمٸزدٸڭ 2017-2018 جىلدارى بۇۇ قاۋٸپسٸزدٸك كەڭەسٸنە تۇراقتى ەمەس مٷشە بولىپ سايلانۋى – ەكٸجاقتى ٶزارا ٸس-قيمىلىمىزدىڭ كەمەلٸنە كەلۋٸنٸڭ تاعى بٸر ايعاعى.

قازاقستان 2050 جىلعا قاراي ەلەمدەگٸ وزىق دامىعان 30 مەملەكەتتٸڭ قاتارىنا قوسىلۋ ماقساتىن العا قويىپ وتىر. 2017 جىلى مەملەكەت باسشىسىنىڭ باستاماسىمەن ەكونوميكالىق ٶسٸمنٸڭ جاڭا مودەلٸن قالىپتاستىرۋعا باعىتتالعان ٷشٸنشٸ جاڭعىرۋ باستالدى. العاشقى نەتيجەلەر ەكونوميكانىڭ نىق قالپىنا كەلۋ ٷردٸسٸن كٶرسەتۋدە: بيىل ەلٸمٸزدٸڭ ٸشكٸ جالپى ٶنٸمٸ 3,5 پايىزعا ٶستٸ.

مەملەكەتتٸك حاتشى رۋحاني جاڭعىرۋدىڭ باستى تالابى تٶل مەدەنيەتٸمٸز بەن ۇلتتىق كودتى ساقتاۋ ەكەندٸگٸن ايتتى.

گ.ەبدٸقالىقوۆانىڭ مەلٸمدەۋٸنشە, رەسپۋبليكادا 100-دەن استام ەتنوس ٶكٸلدەرٸ تۇرادى. قوعامدىق كەلٸسٸم مەن جالپىۇلتتىق بٸرلٸكتٸڭ قازاقستاندىق مودەلٸ ەتنوستاردىڭ قوعامدىق بٸرلەستٸكتەرگە بٸرٸگۋٸنٸڭ جەنە مەملەكەتپەن ٶزارا ەرەكەتتەسۋٸنٸڭ نەگٸزٸندە قالىپتاستىرىلدى. ەلٸمٸزدە 1338 ەتنومەدەني بٸرلەستٸك, سونىڭ ٸشٸندە 29 رەسپۋبليكالىق دەرەجەدەگٸ بٸرلەستٸك جەنە 39 دوستىق ٷيٸ بار.

كەلٸسسٶز بارىسىندا قازاقستان باتىس پەن شىعىستىڭ ورتاق سىن-قاتەرلەرگە تٶتەپ بەرۋٸنە قاتىستى ۇستانىمدارىن جاقىنداستىرا تٷسۋ ٷشٸن تالپىنىس جاساپ وتىرعانى ايتىلدى. ەلەمدٸك جەنە دەستٷرلٸ دٸندەر كٶشباسشىلارىنىڭ سەزٸ ارقىلى قازاقستان ەلەمدٸك جەتەكشٸ كونفەسسييالاردىڭ جاھاندىق بەيبٸتشٸلٸك پەن كەلٸسٸمدٸ ورنىقتىرۋ جولىنداعى ۇمتىلىستارىنىڭ الاڭىنا اينالدى.

سوڭىندا گٷلشارا ەبدٸقالىقوۆا دانيەل رۋبيننٸڭ قازاقستانداعى ساپارىنىڭ جاقسى ٶتۋٸنە نيەتتەستٸك بٸلدٸرٸپ, تابىس تٸلەدٸ.

انىقتاما:

ەۆرەي دياسپوراسى ەلدەگٸ باسقا دا ەتنوستار سەكٸلدٸ ٶز دٸنٸ مەن دەستٷرٸن ەمٸن-ەركٸن ۇستانىپ كەلەدٸ. 1992 جىلدان بەرٸ 20 ەتنومەدەني بٸرلەستٸكتٸ, قايىرىمدىلىق ماقساتتاعى 13 حەسەدتى جەنە 13 قاۋىمدىق ورتالىقتى قامتيتىن ەۆرەي ۇلتتىق ۇيىمدارىنىڭ «ميتسۆا» قاۋىمداستىعى جۇمىس ٸستەۋدە. 2009 جىلعى حالىق ساناعى بويىنشا, رەسپۋبليكادا 3485 ەۆرەي ٶمٸر سٷرٸپ جاتىر.