Foto: pixabay.com
Memlekettik grantqa túse almaǵandar basqa da granttar men jeńildikter ala alady, dep habarlaidy Ult.kz.
Qazaqstan Respýblikasy Ǵylym jáne joǵary bilim ministrligi biyl 77 myńnan astam talapker grant iegeri atanǵanyn habarlady. Ministrliktiń málimetinshe biylǵy konkýrsqa ótinish berýshiler sany ótken jylmen salystyrǵanda 9 myńǵa kóp, sondyqtan básekelestik te óte joǵary boldy. Biraq elimizde memlekettik granttan bólek ózge de granttar men jeńildikter bar.
"Eger siz biyl memlekettik bilim grantyna ilige almaǵan bolsańyz – bul úmittiń úzilgeni emes! Grant – tek bir múmkindik. Al sizdiń boiyńyzdaǵy talap, bilimge degen qushtarlyq pen tabandylyq – naǵyz jetistikke bastar basty kúsh. Maqsatyna sengen adam eshqashan jarty jolda qalmaidy", - delingen habarlamada.
Memlekettik granttan basqa granttar men jeńildikter:
Ýniversitetishilik rektor granttary
– belsendi, oqý úlgerimi jaqsy, áleýmettik jaǵdaiy eskerilgen talapkerlerge oqý oryndary tarapynan beriletin arnaiy granttar. 2025 jyly mundai granttardyń jalpy sany 2 000-nan asty. Mysaly, «Týran-Astana» ýniversiteti negizgi UBT-dan 100-den astam bal jinap, «Altyn belgi» iegeri atanǵan talapkerlerge 4 jyldyq rektorlyq granttar usynady. Al Halyqaralyq týrizm jáne meimandostyq ýniversiteti 680 maqsatty grant bólip otyr.
Jergilikti ákimdik granttary
– áleýmettik az qamtylǵan nemese suranysqa ie mamandyq ielerin daiyndaý maqsatynda oblystyq, qalalyq ákimdikter bóletin bilim granttary. Mysaly, 2025 jyly jergilikti atqarýshy organdar bakalavriat baǵdarlamalary boiynsha oqýǵa 1 700-den astam bilim grantyn bóldi.
Jumys berýshilerdiń arnaiy granttary
– Bul granttar jumys berýshi men joǵary oqý orny arasynda jasalǵan kelisim negizinde usynylady jáne bolashaq mamandardy jumyspen qamtý maqsatyn kózdeidi.
Jeke demeýshiler men qorlardyń granttary
Mysaly, «Qazaqstan halqyna» qoǵamdyq qory 500 grant usynady, «KAZENERGY» qaýymdastyǵy Soltústik Kaspii jáne Qarashyǵanaq jobalarynyń qarajaty esebinen injeneriia, IT, jaratylystaný ǵylymdary, aýyl sharýashylyǵy jáne qyzmet kórsetý salalary boiynsha oqýǵa tólem jasaýǵa qoldaý bildiredi, «Qazatomónerkásip» ulttyq atom kompaniiasy «Murager» bilim berý baǵdarlamasyn júzege asyryp, aýyldyq jerlerden shyqqan jastarǵa ýran óndirý men óńdeý, geologiialyq barlaý, iadrolyq otyn tsikli, energetika, ekologiia jáne ǵylym salalarymen bailanysty baǵyttarda granttar usynady.
Sonymen qatar keibir talapkerler granttan bas tartýy múmkin, osy kezde múmkindik kelesi joǵary bal jinaǵan talapkerlerge beriledi nemese aqyly bólimde oqýdy bastap, keiingi oqý kezeńinde oqý úlgerimine qarai bos grantqa ótýge múmkindik bar.
"Grant ala almaǵan túlekterdi osy joǵarydaǵy múmkindikterdi barynsha paidalanýǵa shaqyramyz.
Bastysy – maqsattan taimaý, múmkindikterdi zerttep, áreket etý. Sizdiń armanyńyz – sizdiń bolashaǵyńyz. Ol jolda qoldaý men múmkindik árdaiym tabylady! Elińiz úmit artqan Sizderdei jastyń bolashaǵy jarqyn bolaryna senemiz!" - delingen ministrlik habarlamasynda.
