فوتو: pixabay.com
مەملەكەتتٸك گرانتقا تٷسە الماعاندار باسقا دا گرانتتار مەن جەڭٸلدٸكتەر الا الادى, دەپ حابارلايدى Ult.kz.
قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸ بيىل 77 مىڭنان استام تالاپكەر گرانت يەگەرٸ اتانعانىن حابارلادى. مينيسترلٸكتٸڭ مەلٸمەتٸنشە بيىلعى كونكۋرسقا ٶتٸنٸش بەرۋشٸلەر سانى ٶتكەن جىلمەن سالىستىرعاندا 9 مىڭعا كٶپ, سوندىقتان بەسەكەلەستٸك تە ٶتە جوعارى بولدى. بٸراق ەلٸمٸزدە مەملەكەتتٸك گرانتتان بٶلەك ٶزگە دە گرانتتار مەن جەڭٸلدٸكتەر بار.
"ەگەر سٸز بيىل مەملەكەتتٸك بٸلٸم گرانتىنا ٸلٸگە الماعان بولساڭىز – بۇل ٷمٸتتٸڭ ٷزٸلگەنٸ ەمەس! گرانت – تەك بٸر مٷمكٸندٸك. ال سٸزدٸڭ بويىڭىزداعى تالاپ, بٸلٸمگە دەگەن قۇشتارلىق پەن تاباندىلىق – ناعىز جەتٸستٸككە باستار باستى كٷش. ماقساتىنا سەنگەن ادام ەشقاشان جارتى جولدا قالمايدى", - دەلٸنگەن حابارلامادا.
مەملەكەتتٸك گرانتتان باسقا گرانتتار مەن جەڭٸلدٸكتەر:
ۋنيۆەرسيتەتٸشٸلٸك رەكتور گرانتتارى
– بەلسەندٸ, وقۋ ٷلگەرٸمٸ جاقسى, ەلەۋمەتتٸك جاعدايى ەسكەرٸلگەن تالاپكەرلەرگە وقۋ ورىندارى تاراپىنان بەرٸلەتٸن ارنايى گرانتتار. 2025 جىلى مۇنداي گرانتتاردىڭ جالپى سانى 2 000-نان استى. مىسالى, «تۋران-استانا» ۋنيۆەرسيتەتٸ نەگٸزگٸ ۇبت-دان 100-دەن استام بال جيناپ, «التىن بەلگٸ» يەگەرٸ اتانعان تالاپكەرلەرگە 4 جىلدىق رەكتورلىق گرانتتار ۇسىنادى. ال حالىقارالىق تۋريزم جەنە مەيماندوستىق ۋنيۆەرسيتەتٸ 680 ماقساتتى گرانت بٶلٸپ وتىر.
جەرگٸلٸكتٸ ەكٸمدٸك گرانتتارى
– ەلەۋمەتتٸك از قامتىلعان نەمەسە سۇرانىسقا يە ماماندىق يەلەرٸن دايىنداۋ ماقساتىندا وبلىستىق, قالالىق ەكٸمدٸكتەر بٶلەتٸن بٸلٸم گرانتتارى. مىسالى, 2025 جىلى جەرگٸلٸكتٸ اتقارۋشى ورگاندار باكالاۆريات باعدارلامالارى بويىنشا وقۋعا 1 700-دەن استام بٸلٸم گرانتىن بٶلدٸ.
جۇمىس بەرۋشٸلەردٸڭ ارنايى گرانتتارى
– بۇل گرانتتار جۇمىس بەرۋشٸ مەن جوعارى وقۋ ورنى اراسىندا جاسالعان كەلٸسٸم نەگٸزٸندە ۇسىنىلادى جەنە بولاشاق مامانداردى جۇمىسپەن قامتۋ ماقساتىن كٶزدەيدٸ.
جەكە دەمەۋشٸلەر مەن قورلاردىڭ گرانتتارى
مىسالى, «قازاقستان حالقىنا» قوعامدىق قورى 500 گرانت ۇسىنادى, «KAZENERGY» قاۋىمداستىعى سولتٷستٸك كاسپيي جەنە قاراشىعاناق جوبالارىنىڭ قاراجاتى ەسەبٸنەن ينجەنەرييا, IT, جاراتىلىستانۋ عىلىمدارى, اۋىل شارۋاشىلىعى جەنە قىزمەت كٶرسەتۋ سالالارى بويىنشا وقۋعا تٶلەم جاساۋعا قولداۋ بٸلدٸرەدٸ, «قازاتومٶنەركەسٸپ» ۇلتتىق اتوم كومپانيياسى «Murager» بٸلٸم بەرۋ باعدارلاماسىن جٷزەگە اسىرىپ, اۋىلدىق جەرلەردەن شىققان جاستارعا ۋران ٶندٸرۋ مەن ٶڭدەۋ, گەولوگييالىق بارلاۋ, يادرولىق وتىن تسيكلٸ, ەنەرگەتيكا, ەكولوگييا جەنە عىلىم سالالارىمەن بايلانىستى باعىتتاردا گرانتتار ۇسىنادى.
سونىمەن قاتار كەيبٸر تالاپكەرلەر گرانتتان باس تارتۋى مٷمكٸن, وسى كەزدە مٷمكٸندٸك كەلەسٸ جوعارى بال جيناعان تالاپكەرلەرگە بەرٸلەدٸ نەمەسە اقىلى بٶلٸمدە وقۋدى باستاپ, كەيٸنگٸ وقۋ كەزەڭٸندە وقۋ ٷلگەرٸمٸنە قاراي بوس گرانتقا ٶتۋگە مٷمكٸندٸك بار.
"گرانت الا الماعان تٷلەكتەردٸ وسى جوعارىداعى مٷمكٸندٸكتەردٸ بارىنشا پايدالانۋعا شاقىرامىز.
باستىسى – ماقساتتان تايماۋ, مٷمكٸندٸكتەردٸ زەرتتەپ, ەرەكەت ەتۋ. سٸزدٸڭ ارمانىڭىز – سٸزدٸڭ بولاشاعىڭىز. ول جولدا قولداۋ مەن مٷمكٸندٸك ەردايىم تابىلادى! ەلٸڭٸز ٷمٸت ارتقان سٸزدەردەي جاستىڭ بولاشاعى جارقىن بولارىنا سەنەمٸز!" - دەلٸنگەن مينيسترلٸك حابارلاماسىندا.
