"Bul týraly QR Premer-Ministri Baqytjan Saǵyntaevtyń tóraǵalyǵymen, elimizdiń 2016 jylǵy 11 aidaǵy áleýmettik-ekonomikalyq damý qorytyndysy qarastyrylyp jatqan Úkimettiń kezekti otyrysyndaǵy baiandamasynda qarjy ministri Baqyt Sultanov aityp ótti", - dep habarlaidy "Ult aqparat".
Onyń aitýynsha, memlekettik biýdjetke kirister (transferttersiz) 5,8 trln teńge somasynda tústi. Memlekettik biýdjet boiynsha asyra oryndaý somasy 396 mlrd teńgeni qurady, respýblikalyq – 255 mlrd teńge, jergilikti biýdjet boiynsha – 141 mlrd teńge. «11 aidyń ishinde ótken jyldyń uqsas kezeńimen salystyrǵanda 31,8%-ǵa memlekettik biýdjet kiristeri boiynsha ósim baiqalady, respýblika boiynsha - 41,1% jáne jergilikti biýdjet boiynsha - 13,6% ósim», - dedi B. Sultanov. Jalpy, memlekettik biýdjet kiristeri 107,3%-ǵa, respýblikalyq - 106,6%-ǵa, jergilikti - 109,1%-ǵa oryndaldy. Spikerdiń aitýynsha, jyl qorytyndysy boiynsha salyq túsiminiń aitarlyqtai asyra oryndalýy kútilýde, shamamen 250-300 mlrd teńge. «Bul Ulttyq qordan kepildendirilgen transfertti tartpaýǵa múmkindik beredi», - dep sózin túiindedi qarjy ministri. Memlekettik biýdjet shyǵyndary shamamen 9 trln teńgege jetip, 20%-ǵa artty. Igerý qarqyny ótken jyldaǵymen salystyrǵanda jaqsyraq. Jalpy memlekettik biýdjet shyǵyny 97%-ǵa, respýblikalyq - 98,2%-ǵa jáne jergilikti - 96,6%-ǵa oryndaldy. Jyl qorytyndysy boiynsha respýblikalyq biýdjet shyǵynyn oryndaý 98,6% shamasynda kútilýde. Ult portaly
.jpeg)