2019 jyldyń qorytyndysy boiynsha memlekettik biýdjetke 1 trln 381 mlrd teńge artyq tústi. Bul týraly búgin Ortalyq kommýnikatsiialar qyzmetindegi baspasóz máslihatynda QR QM Memlekettik kirister komitetiniń tóraǵasy Marat Sultanǵaziev aitty, dep habarlaidy "Ult aqparat".
«2019 jyly memlekettik biýdjet jospary 100,8 paiyzǵa oryndalyp, ótken jylmen salystyrǵanda 1 trln 381 mlrd teńge nemese 17,4 paiyz artyq túsim túsken. Respýblikalyq biýdjet 100,3 jáne jergilikti biýdjetter 102 paiyzǵa oryndaldy», - dedi komitet basshysy.
Onyń dereginshe, shoǵyrlandyrylǵan biýdjetke shikizattyq sektordan túsimder - 7, shikizattyq emes sektordan túsimder - 10 paiyzǵa ósti. Sonymen qatar, qosymsha rezervter 916 mlrd teńgeni qurady. Onyń ishinde salyqtyq jáne kedendik ákimshilendirýdi jetildirý – 392 mlrd teńge, tsifrlandyrý boiynsha sharalar 524 mlrd teńge qosymsha túsim alyp keldi.
«Taý-ken óndirisin qospaǵanda ekonomikanyń barlyq basqa sektorlarynda salyq túsimderiniń ósimi baiqalady. Atalǵan sektordaǵy túsimniń tómendeýi munaidyń - 10 paiyzǵa, metaldardyń orta eseppen - 13 paiyzǵa tómendeýi sebep boldy», - dedi Marat Sultanǵaziev.
