- Aǵymdaǵy jyldyń 11 aiynda memlekettik biýdjet shyǵystary 9 trln. teńgege jetti. Bul týraly búgin Úkimettiń selektorlyq rejimdegi otyrysynda QR Qarjy ministri Baqyt Sultanov málim etti, dep habarlaidy "Ult aqparat".
«Memlekettik biýdjet shyǵystary shamamen 9 trln. teńgege jetip, 20 paiyzǵa ósti. Ótken jyldyń kórsetkishterine qaraǵanda igerý qarqyny anaǵurlym jaqsy. Memlekettik biýdjet boiynsha igerý ótken jylmen salystyrǵanda 0,5, respýblikalyq deńgeide 1,5 paiyzǵa jaqsy atqaryldy», - dedi Sultanov.
Onyń derekterine sáikes, jergilikti biýdjetter boiynsha igerý ótken jyldyń dál osy kezeńine qaraǵanda 0,5 paiyzǵa nashar boldy.
«Tutastai alǵanda memlekettik biýdjettiń shyǵystary 97, respýblikalyq biýdjettiki 98,2 jáne jergilikti biýdjetterdiki 96,6 paiyzǵa atqaryldy. Jyldyń qorytyndylary boiynsha respýblikalyq biýdjettiń shyǵystaryn atqarý deńgeii 98,6 paiyz sheginde kútilýde», - dedi ol.
Ult portaly
.jpeg)