Memlekettik biýdjet kiristeri 10 paiyzǵa ósti, al biýdjetke túsken salyq aitarlyqtai azaidy, dep habarlaidy "Ult aqparat" finprom.kz saityna silteme jasap.
Kiristiń ósiminiń negizgi sebebi – transfertterdiń túsýi.
2020 jyldyń qańtar-qazan ailarynda eldiń memlekettik biýdjetine 11,1 trln teńge aqsha túsken — bul byltyrǵy jylmen salystyrǵanda 9,9% kóp. Kirister jospary 96,7% oryndalǵan.
Salystyrmaly túrde, ótken jyldyń on aiynda memlekettie biýdjet kiristeri 10,1 trln teńgeni qurap, jylyna 12,2% ósti.
Bul rette, memlekettik biýdjetke salyq túsimi bir jylda 9,7% qysqaryp, 6,4 trln teńgeni quraǵan. Sonyń ishinde, 2,6 trln teńge ishki salyq, taýarlar men qyzmet kórsetýge, 2,1 trln teńge – kiris salyǵyna, 697,9 mlrd teńge – halyqaralyq saýda jáne syrtqy operatsiialarǵa tiesili boldy.
Salyqtyq emes túsimder 321,5 mlrd teńgege jetip, birden 69,9% ósken. Sonyń ishinde, 64,5%, nemese 207,3 mlrd teńgeni memlekettik menshik kiristeri quraǵan.
Negizgi kapitaldy satý túsimi 11,3 paiyzǵa, 76,5 mlrd teńgege deiin qysqarǵan.
Ulttyq qordan túsken transfertter 4,3 trln teńgege jetti. Bul ótken jylmen salystyrǵanda 55,9 paiyzǵa joǵary.
