Aqparat jáne qoǵamdyq damý ministri Aida Balaeva Qazaqstandaǵy buqaralyq aqparat quraldaryn biriktirý máselesine qatysty pikirin bildirdi, dep habarlaidy "Ult aqparat".
«Álbette eldegi BAQ-tardy (memlekettik) biriktirý – ýaqyt talaby. Barlyq memlekettik organdar men kvazimemlekettik uiymdar biýdjetti ońtailandyrý jumystaryn júrgizip jatyr. Jalpy bul birigý – ákimshilik-sharýashylyq salany ońtailandyrýdy kózdeidi. Shyǵarmashylyq bólimge onyń esh qatysy joq», - dedi Aida Balaeva OKQ-da ótken baspasóz máslihatynda.
Ministr bul rette naqty mehanizm jolǵa qoiylǵanyn atap ótti.
«Birinshi kezeńde «Egemen Qazaqstan» men «Kazpravda» gazetteri biriktiriledi. Jańa jyldan keiin olar jeke JShS bolyp qurylady. Osydan keiin «Qazaq gazetteri» AQ-qa biriktiriledi. Iaǵni «Qazaq gazetteri» degen birtutas holding qurylady. Sol sebepti naqty algoritm bar. Bul ońtailandyrý ujymdardyń shyǵarmashylyq bólimderine múlde qatysty bolmaitynyn taǵy bir márte atap ótkim keledi», - dedi ministr.
