اقپارات جەنە قوعامدىق دامۋ مينيسترٸ ايدا بالاەۆا قازاقستانداعى بۇقارالىق اقپارات قۇرالدارىن بٸرٸكتٸرۋ مەسەلەسٸنە قاتىستى پٸكٸرٸن بٸلدٸردٸ, دەپ حابارلايدى "ۇلت اقپارات".
«ەلبەتتە ەلدەگٸ باق-تاردى (مەملەكەتتٸك) بٸرٸكتٸرۋ – ۋاقىت تالابى. بارلىق مەملەكەتتٸك ورگاندار مەن كۆازيمەملەكەتتٸك ۇيىمدار بيۋدجەتتٸ وڭتايلاندىرۋ جۇمىستارىن جٷرگٸزٸپ جاتىر. جالپى بۇل بٸرٸگۋ – ەكٸمشٸلٸك-شارۋاشىلىق سالانى وڭتايلاندىرۋدى كٶزدەيدٸ. شىعارماشىلىق بٶلٸمگە ونىڭ ەش قاتىسى جوق», - دەدٸ ايدا بالاەۆا وكق-دا ٶتكەن باسپاسٶز مەسليحاتىندا.
مينيستر بۇل رەتتە ناقتى مەحانيزم جولعا قويىلعانىن اتاپ ٶتتٸ.
«بٸرٸنشٸ كەزەڭدە «Egemen Qazaqstan» مەن «كازپراۆدا» گازەتتەرٸ بٸرٸكتٸرٸلەدٸ. جاڭا جىلدان كەيٸن ولار جەكە جشس بولىپ قۇرىلادى. وسىدان كەيٸن «قازاق گازەتتەرٸ» اق-قا بٸرٸكتٸرٸلەدٸ. ياعني «قازاق گازەتتەرٸ» دەگەن بٸرتۇتاس حولدينگ قۇرىلادى. سول سەبەپتٸ ناقتى الگوريتم بار. بۇل وڭتايلاندىرۋ ۇجىمداردىڭ شىعارماشىلىق بٶلٸمدەرٸنە مٷلدە قاتىستى بولمايتىنىن تاعى بٸر مەرتە اتاپ ٶتكٸم كەلەدٸ», - دەدٸ مينيستر.
