Foto: mainfin.ru
Qarjy naryǵyn retteý jáne damytý agenttiginiń tóraiymy Mádina Ábilqasymova memleketten kómek alǵan qazaqstandyq bankterdiń tizimin atady, - dep habarlaidy Tengrinews.kz portaly.
"Qazirgi ýaqytta qarjylyq turaqtylyq baǵdarlamasyna qatysqan alty bank bar. Bul baǵdarlamany Ulttyq bank 2017 jyly maquldady. Sol kezde olardyń óte úlken shyǵyndary, bankterdiń balansyndaǵy qiyn jaǵdaidaǵy aktivterdiń úlken deńgeii anyqtaldy", - dedi Mádina Ábilqasymova Parlament kýlýarynda.
Ol osy problemalyq nesieler boiynsha proviziia qurý jáne osy bankterdi kapitalsyzdandyrý maqsatynda qarjylyq turaqtylyq baǵdarlamasy qabyldanǵanyn túsindirdi. Ulttyq bank rettelgen obligatsiialardy ornalastyrǵan. Úshten birin aktsionerler qaita kapitaldandyrýy kerek edi.
"Bul obligatsiialar qazir osy bankterdiń balansynda saqtalǵan: "Evraziiskii bank", "Bank Tsentrkredit", "Nurbank", "Bank RBK", "ATF Bank" jáne "Tsesna Bank", olar Jusan bankpen biriktirilgen. Sonymen qatar, "Kazkommertsbankti" satyp alý boiynsha jasalǵan mámile nátijesinde memlekettik qoldaý qarajaty Halyk Bank balansynda", - dep túsindirdi Ábilqasymova.
