فوتو: mainfin.ru
قارجى نارىعىن رەتتەۋ جەنە دامىتۋ اگەنتتٸگٸنٸڭ تٶرايىمى مەدينا ەبٸلقاسىموۆا مەملەكەتتەن كٶمەك العان قازاقستاندىق بانكتەردٸڭ تٸزٸمٸن اتادى, - دەپ حابارلايدى Tengrinews.kz پورتالى.
"قازٸرگٸ ۋاقىتتا قارجىلىق تۇراقتىلىق باعدارلاماسىنا قاتىسقان التى بانك بار. بۇل باعدارلامانى ۇلتتىق بانك 2017 جىلى ماقۇلدادى. سول كەزدە ولاردىڭ ٶتە ٷلكەن شىعىندارى, بانكتەردٸڭ بالانسىنداعى قيىن جاعدايداعى اكتيۆتەردٸڭ ٷلكەن دەڭگەيٸ انىقتالدى", - دەدٸ مەدينا ەبٸلقاسىموۆا پارلامەنت كۋلۋارىندا.
ول وسى پروبلەمالىق نەسيەلەر بويىنشا پروۆيزييا قۇرۋ جەنە وسى بانكتەردٸ كاپيتالسىزداندىرۋ ماقساتىندا قارجىلىق تۇراقتىلىق باعدارلاماسى قابىلدانعانىن تٷسٸندٸردٸ. ۇلتتىق بانك رەتتەلگەن وبليگاتسييالاردى ورنالاستىرعان. ٷشتەن بٸرٸن اكتسيونەرلەر قايتا كاپيتالداندىرۋى كەرەك ەدٸ.
"بۇل وبليگاتسييالار قازٸر وسى بانكتەردٸڭ بالانسىندا ساقتالعان: "ەۆرازييسكيي بانك", "بانك تسەنتركرەديت", "نۇربانك", "بانك ربك", "اتف بانك" جەنە "تسەسنا بانك", ولار Jusan بانكپەن بٸرٸكتٸرٸلگەن. سونىمەن قاتار, "كازكوممەرتسبانكتٸ" ساتىپ الۋ بويىنشا جاسالعان مەمٸلە نەتيجەسٸندە مەملەكەتتٸك قولداۋ قاراجاتى Halyk Bank بالانسىندا", - دەپ تٷسٸندٸردٸ ەبٸلقاسىموۆا.
