QR Premer-Ministri Álihan Smaiylov Úkimet otyrysynda memleketten qoldaý alǵan kásiporyndar qyzmetkerleriniń jalaqysyn ósirýge mindetteme alatynyn málim etti, dep habarlaidy QazAqparat.
«Otandyq kásipkerlikti damytý úshin investitsiialyq jobalardy iske asyrý arqyly importtyq taýarlardy ornalastyrýdyń mańyzy erekshe. Bul oraida memleketten qoldaý alǵan kásiporyndar qyzmetkerleriniń jalaqysyn ósirýge mindetteme alady. Argoónerkásip kesheninde memlekettik qoldaýdyń tiimdiligin arttyrý úshin sýbsidiialaý júiesiniń jańa tásilderi ázirlenip jatyr. Qosymsha aýyl sharýashylyǵy jerlerin ainalymǵa engizý arqyly aýyl sharýashylyǵy kooperatsiialary men otbasylyq sharýashylyqtardy damytýǵa jaǵdai jasalady. Birinshi kezekte aýyl sharýashylyǵy ónimderin óńdeýge baǵyttalǵan jobalar basym túrde qoldaýǵa ie bolady», - dedi Premer-Ministr.
Sondai-aq Úkimet basshysy atalǵan sharalardyń bári biyl qabyldanatynyn eske saldy.
«Olardy iske asyrý úshin Úkimet bar kúsh-jigerin jumsaidy dep sendiremin», - dedi Álihan Smaiylov.
