kórneki foto: Halyq Uni
Parlament Májilisine "Zańsyz satyp alynǵan aktivterdi memleketke qaitarý týraly" zań jobasy jáne oǵan ilespe zań jobalary kelip tústi. Depýtattar aldaǵy ýaqytta qujatty komitet otyrystarynda talqylaidy, dep habarlady Sputnik Qazaqstan.
Búgin jumysqa qabyldanǵan bes zań jobasyn depýtattar ázirlegen. Zań jobalary Prezidenttiń zańsyz shyǵarylǵan aktivterdi memleketke qaitarý jónindegi tapsyrmasyn oryndaý maqsatynda daiyndaldy.
Negizgi zań jobasy aktivterdi anyqtaý jáne qaitarý úshin qajetti zańnamalyq negizder men jańa quraldardyń bolmaýyna bailanysty aktivterdi qaitarýdyń tetikterin aiqyndaýǵa baǵyttalǵan.
"Zańsyz satyp alynǵan aktivterdi memleketke qaitarý týraly" zań jobasyn ázirleýdiń negizgi maqsaty – zańsyz satyp alynǵan jáne shyǵarylǵan aktivterdiń saqtalýyn, basqarylýyn, ótkizilýin jáne memleketke qaitarylýyn qamtamasyz etý jóninde sharalar qabyldaýmen, qamtamasyz etý sharalaryn qoldanýmen, shyǵý tegin rastaýmen, izdestirýmen (ashýmen) bailanysty qoǵamdyq qatynastardy retteý", - dedi depýtat, zańnama jáne sot-quqyqtyq komitetiniń hatshysy Magerram Mageramov.
"Zańsyz satyp alynǵan aktivterdi memleketke qaitarý týraly" zań jobasy jáne ilespe zań jobalary qoldanysqa engizilgennen keiin, Bas prokýratýranyń qurylymynda zańsyz shyǵarylǵan aktivterdi qaitarý jónindegi jeke vedomstvo qurylady. Ol osy saladaǵy ýákiletti organnyń fýnktsiialaryn oryndaidy.
Budan bólek, memleketke qaitarylǵan aktivterdi jinaqtaý jáne basqarý máseleleri boiynsha arnaiy memlekettik qor jáne basqarýshy kompaniia qurylady.
"Bul qaitarylǵan aktivterdi Qazaqstan halqynyń ál-aýqatyn arttyrýǵa baǵyttalǵan áleýmettik jáne ekonomikalyq jobalardy qarjylandyrýǵa baǵyttaýǵa jáne osy protseste ashyqtyq pen tiimdilikke qol jetkizýge múmkindik beredi. Osylaisha, aktivterdi qaitarý salasyndaǵy memlekettik organdar men uiymdar jumysynyń naqty jáne ashyq tetigi qurylady", - dedi májilismen.
Sondai-aq "Prokýratýra týraly"Konstitýtsiialyq zańǵa, Azamattyq, Qylmystyq, Qylmystyq-protsestik, Salyq, Ákimshilik quqyqbuzýshylyqtar týraly kodeksterine jáne basqa da zańnamalyq aktilerine ózgerister men tolyqtyrýlar engiziledi. Jalpy sany 11 kodeks jáne 13 zańǵa túzýtýler kózdelip otyr.
Mageramovtyń aitýynsha, zań jobalaryn qabyldaýdyń mynadai oń áleýmettik-ekonomikalyq áseri bar: qoǵamdaǵy áleýmettik ádilettilikti qalpyna keltirý, zańsyz satyp alynǵan jáne shyǵarylǵan aktivterdi memleketke qaitarý arqyly Qazaqstan halqynyń ál-aýqatyn arttyrý, aktivterdi erikti túrde qaitarýdy yntalandyrý, aktivterdi zańsyz satyp alýǵa yqpal etken sebepter men jaǵdailardy joiý.
