Foto: © Sputnik / Pavel Lisitsyn
Memleketke biregei nikel men kobalt ken orny qaitaryldy, dep habarlaidy "Ult aqparat" Sybailys jemqorlyqqa qarsy is-qimyl agenttigine silteme jasap.
Antikor málimetinshe, Memleket basshysynyń zańsyz satyp alynǵan aktivterdi qaitarý jónindegi tapsyrmasyn oryndaý barysynda, burynǵy vitse-ministr T. Toqtabaevqa qatysty qylmystyq isti tergeý sheńberinde memleketke Qostanai oblysyndaǵy «Shevchenkovskoe» biregei ken orny qaitarylǵan.
"Ken ornynda nikel (1,075 mln tonna) jáne kobalt (585,9 myń tonna) qory bar. Paidaly qazbalar qorlarynyń quny 5,6 trln teńgeden asady.
27 qazanda Astana qalasynyń qylmystyq ister jónindegi aýdanaralyq sotynyń T. Toqtabaevqa qatysty úkimi jariialandy.
Ol paidaly qazbalardyń iri qorlary bar ken oryndaryn onymen úlestes tulǵalarǵa berý kezinde aýyr zardaptarǵa ákep soqtyrǵan laýazymdyq ókilettikterdi teris paidalanǵany úshin kináli dep tanyldy" - delingen habarlamada.
Vedomstvo málimetinshe, Toqtabaevqa 7 jyl bas bostandyǵynan aiyrý jazasy taǵaiyndaldy, sondai-aq ol memlekettik qyzmette qyzmet atqarý quqyǵynan, «Eren eńbegi úshin» memlekettik nagradasynan aiyryldy. Odan bólek qymbat múlikteri de tárkilengen. Olar:
1. Almaty qalasy, Bostandyq aýdany, Kókshoqy sh/a mekenjaiy boiynsha ornalasqan jer ýchaskesi;
2. Almaty qalasy, Bostandyq aýdany, Almaty baý-baqsha seriktestigi mekenjaiynda ornalasqan turǵyn úi;
3. 2021 jyly shyqqan «Mercedes-Benz Maybach S580 4MATIC» markaly avto;
4. 2021 jyly shyqqan «Bentley Bentayga V8» markaly avto.
5. On úsh kommertsiialyq uiymnyń qatysý úlesi.
Sot úkimi zańdy kúshine engen joq.
Sybailas jemqorlyqqa qarsy qyzmet aktivterdi qaitarý boiynsha jumysty jalǵastyryp jatyr.
