Óskemen qalalyq Politsiia basqarmasynyń qyzmetkerleri Úlbi aýdanynda birneshe urlyq áreketin jasaǵany úshin memleketaralyq izdeýde júrgen kúdiktini ustady, dep habarlaidy "Ult aqparat" PB baspasóz qyzmetine silteme jasap.
Qazirgi ýaqytta onyń onshaqty urlyq deregine qatystylyǵy anyqtaldy. Qańtar aiynyń bas kezinde Úlbi aýdanyna qarasty birneshe turǵynnyń garajdary tonalǵany jaiynda tártip saqshylary shaǵymdardy tirkegen bolatyn. Úidiń aýlasyndaǵy garajda saqtalǵan turmysqa qajetti zattardyń urlaný deregi bir tektes, iaǵni belgisiz tulǵa garajdyń qulpyn buzyp kirý arqyly elektrli ara, perforator, drel syndy aspaptardy qoldy etip otyrǵan.
Barlyq derekter boiynsha turǵyndarǵa 1 million 2 júz myń teńgeden astam shyǵyn keltirilgen.
«Kúdikti Óskemen qalasy Politsiia basqarmasynyń ýaqytsha tergeý izoliatoryna qamalyp, oǵan qatysty Qazaqstan Respýblikasy Qylmystyq kodeksiniń 188 baby 3 bólimi boiynsha sotqa deiingi tergeý amaldary bastaldy»,- dedi Óskemen qalasy Politsiia basqarmasynyń bastyǵy politsiia polkovnigi Daýr Ibraev.
