ٶسكەمەن قالالىق پوليتسييا باسقارماسىنىڭ قىزمەتكەرلەرٸ ٷلبٸ اۋدانىندا بٸرنەشە ۇرلىق ەرەكەتٸن جاساعانى ٷشٸن مەملەكەتارالىق ٸزدەۋدە جٷرگەن كٷدٸكتٸنٸ ۇستادى, دەپ حابارلايدى "ۇلت اقپارات" پب باسپاسٶز قىزمەتٸنە سٸلتەمە جاساپ.
قازٸرگٸ ۋاقىتتا ونىڭ ونشاقتى ۇرلىق دەرەگٸنە قاتىستىلىعى انىقتالدى. قاڭتار ايىنىڭ باس كەزٸندە ٷلبٸ اۋدانىنا قاراستى بٸرنەشە تۇرعىننىڭ گاراجدارى تونالعانى جايىندا تەرتٸپ ساقشىلارى شاعىمداردى تٸركەگەن بولاتىن. ٷيدٸڭ اۋلاسىنداعى گاراجدا ساقتالعان تۇرمىسقا قاجەتتٸ زاتتاردىڭ ۇرلانۋ دەرەگٸ بٸر تەكتەس, ياعني بەلگٸسٸز تۇلعا گاراجدىڭ قۇلپىن بۇزىپ كٸرۋ ارقىلى ەلەكترلٸ ارا, پەرفوراتور, درەل سىندى اسپاپتاردى قولدى ەتٸپ وتىرعان.
بارلىق دەرەكتەر بويىنشا تۇرعىندارعا 1 ميلليون 2 جٷز مىڭ تەڭگەدەن استام شىعىن كەلتٸرٸلگەن.
«كٷدٸكتٸ ٶسكەمەن قالاسى پوليتسييا باسقارماسىنىڭ ۋاقىتشا تەرگەۋ يزولياتورىنا قامالىپ, وعان قاتىستى قازاقستان رەسپۋبليكاسى قىلمىستىق كودەكسٸنٸڭ 188 بابى 3 بٶلٸمٸ بويىنشا سوتقا دەيٸنگٸ تەرگەۋ امالدارى باستالدى»,- دەدٸ ٶسكەمەن قالاسى پوليتسييا باسقارماسىنىڭ باستىعى پوليتسييا پولكوۆنيگٸ داۋر يبراەۆ.
