Saiasattanýshy Samat Nurtaza Qazaqstandaǵy aýyl ákimderin sailaýdaǵy jańashyldyqty qoldaidy, dep habarlaidy QazAqparat.
Onyń aitýynsha, Memleket jaýapkershilikti halyqpen bólisip jatyr.
«Mysaly, buryn aýylǵa oblystan nemese Astanadan bir ákimdi jiberetin, iaǵni aýyl turǵyndary qalasa da, qalamasa da sol adam ákim bolatyn. Ol adam aýyldyń jaǵdaiyn bile me, bilmei me bul jaǵy eskerýsiz qalatyn. Qazir jaǵdai ózgerdi. Endi aýyl halqy ózderiniń ishinen ákim sailap ala alady. Erteń sol adam qyzmetin tiisti deńgeide alyp júre almasa, onda aýyl adamdary bilikke renji almaidy. Iaǵni, aýyl ákimderin sailaý- biliktiń halyqpen jaýapkershilikti bólisýi»,-deidi Samat Nurtaza.
Sonymen qatar, ol sailanǵan ákimderdiń bir paiyzy jumysyn alyp kete almasa, bárine kúie jaǵylatynyn atap ótti.
«Statistika júginer bolsam, Qazaqstanda 770-ten astam aýyl bar eken. Biz bárine daiyn bolýymyz kerek. Eger sailanǵan ákimderdiń 99 paiyzy jumys istep ketip, qalǵan bir paiyzy ózine júktelgen mindetti alyp júre almasa, jemqorlyqpen ustalsa, onda kúie bárine jaǵylady. Sondyqtan, sailanatyn ákimderge artylatyn júk aýyr», - deidi sarapshy.
Spiker aýyl ákimderin sailaýdaǵy jańashyldyqty qoldaitynyn atap ótti.
«Durys joba, durys qadam. Aýyl ákimderi sailanýy kerek, aýdan ákimderi sailanýy kerek. Meni biraq bir nárse mazalaidy, ol- rýshyldyq. Bizdiń qoǵamda ókinishke orai ol bar. Sondyqtan sailanatyn adamnyń biografiiasy men geografiiasyna emes onyń iskerligine qaraý kerek», - dep qortyndylady ol.
