ساياساتتانۋشى سامات نۇرتازا قازاقستانداعى اۋىل ەكٸمدەرٸن سايلاۋداعى جاڭاشىلدىقتى قولدايدى, دەپ حابارلايدى قازاقپارات.
ونىڭ ايتۋىنشا, مەملەكەت جاۋاپكەرشٸلٸكتٸ حالىقپەن بٶلٸسٸپ جاتىر.
«مىسالى, بۇرىن اۋىلعا وبلىستان نەمەسە استانادان بٸر ەكٸمدٸ جٸبەرەتٸن, ياعني اۋىل تۇرعىندارى قالاسا دا, قالاماسا دا سول ادام ەكٸم بولاتىن. ول ادام اۋىلدىڭ جاعدايىن بٸلە مە, بٸلمەي مە بۇل جاعى ەسكەرۋسٸز قالاتىن. قازٸر جاعداي ٶزگەردٸ. ەندٸ اۋىل حالقى ٶزدەرٸنٸڭ ٸشٸنەن ەكٸم سايلاپ الا الادى. ەرتەڭ سول ادام قىزمەتٸن تيٸستٸ دەڭگەيدە الىپ جٷرە الماسا, وندا اۋىل ادامدارى بيلٸككە رەنجي المايدى. ياعني, اۋىل ەكٸمدەرٸن سايلاۋ- بيلٸكتٸڭ حالىقپەن جاۋاپكەرشٸلٸكتٸ بٶلٸسۋٸ»,-دەيدٸ سامات نۇرتازا.
سونىمەن قاتار, ول سايلانعان ەكٸمدەردٸڭ بٸر پايىزى جۇمىسىن الىپ كەتە الماسا, بەرٸنە كٷيە جاعىلاتىنىن اتاپ ٶتتٸ.
«ستاتيستيكا جٷگٸنەر بولسام, قازاقستاندا 770-تەن استام اۋىل بار ەكەن. بٸز بەرٸنە دايىن بولۋىمىز كەرەك. ەگەر سايلانعان ەكٸمدەردٸڭ 99 پايىزى جۇمىس ٸستەپ كەتٸپ, قالعان بٸر پايىزى ٶزٸنە جٷكتەلگەن مٸندەتتٸ الىپ جٷرە الماسا, جەمقورلىقپەن ۇستالسا, وندا كٷيە بەرٸنە جاعىلادى. سوندىقتان, سايلاناتىن ەكٸمدەرگە ارتىلاتىن جٷك اۋىر», - دەيدٸ ساراپشى.
سپيكەر اۋىل ەكٸمدەرٸن سايلاۋداعى جاڭاشىلدىقتى قولدايتىنىن اتاپ ٶتتٸ.
«دۇرىس جوبا, دۇرىس قادام. اۋىل ەكٸمدەرٸ سايلانۋى كەرەك, اۋدان ەكٸمدەرٸ سايلانۋى كەرەك. مەنٸ بٸراق بٸر نەرسە مازالايدى, ول- رۋشىلدىق. بٸزدٸڭ قوعامدا ٶكٸنٸشكە وراي ول بار. سوندىقتان سايلاناتىن ادامنىڭ بيوگرافيياسى مەن گەوگرافيياسىنا ەمەس ونىڭ ٸسكەرلٸگٸنە قاراۋ كەرەك», - دەپ قورتىندىلادى ول.
