Memleket jáne qoǵam qairatkeri Kamal Burhanov ómirden ozdy. Qaiǵyly habar jaiynda Senat depýtaty Murat Baqtiiaruly Facebook-paraqshasynda jazdy, dep habarlaidy "Ult aqparat".
«Jalǵan ómir-ai... Ustazym, dosym, áriptesim Kamal Burhanov dúnieden ozypty. Sońǵy eki jyl tósek tartyp jatyp kalǵan edi. Maǵripa jeńgem qoldan kelgenshe barlyǵyn jasady. Amal neshik, bári bir jaratqannyń qolynda. Baqul bol, adal dos. Janyń jánnatta bolǵai, Kamal aǵa!», - dep jazdy senator.
Saiasattaný ǵylymdarynyń doktory, professor Kamal Nizamuly 1954 jyly dúniege kelgen. Tashkent ýniversitetin, Máskeý memlekettik áleýmettik ýniversitetin bitirgen. Abai atyndaǵy Almaty memlekettik ýniversiteti zań fakýltetiniń dekany, QR Prezidenti Ákimshiliginiń bas sarapshysy, Sh.Ýálihanov atyndaǵy Tarih jáne etnologiia institýtynyń direktory qyzmetterin atqardy. IV jáne V sailanǵan Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń, Áleýmettik-mádeni damý komitetiniń múshesi boldy.
40-tan astam ǵylymi jumystyń, kitaptardyń, maqalalar men oqý quraldarynyń avtory. Birneshe medalmen marapattalǵan
