Memleket bizneske júktegen keibir qosymsha shyǵyndy kásipkerlerdiń halyqtan óndirip alatyny jasyryn emes. Bul týraly Úkimettiń keńeitilgen otyrysynda QR Prezidenti Qasym-Jomart Toqaev aitty, dep habarlaidy QazAqparat.
«Memleket bizneske júktegen keibir qosymsha shyǵyndardy kásipkerlerdiń halyqtan óndirip alatyny jasyryn emes. Sóz monopoliialyq operatorlardyń túrli deldaldarynyń, qajetsiz agentteriniń komissiiasy men tarifteri jaiynda bolyp otyr. Bul problemany bilesizder. Suraq - olardyń qyzmetin kim tóleidi? Árine, tutynýshy tóleidi. Oǵan qabyldanǵan zańdar men qaýlylar kináli», - dedi QR Prezidenti.
Qasym-Jomart Toqaevtyń aitýynsha, mundai jaitqa memlekettik organdar qoǵamnyń emes jekelegen kompaniialardyń múddesin basshylyqqa alyp qabyldaǵan normativtik-quqyqtyq aktiler sebep bolǵan.
«Qazaqstandyqtar ózine jumsai alatyn qarajat atalǵan kompaniialardyń qaltasyna ketip jatyr. Úkimetke bul máselege barynsha baiyppen nazar aýdarý tapsyrylady jáne «Atameken» palatasymen birlesip, árbir jaǵdaidy jiti pysyqtap, ony túzetýdiń naqty sheshimderin usynýy tiis», - dedi Memleket basshysy.
