Memleket basshysy Qasym-Jomart Toqaev Qytai Halyq Respýblikasynyń Tóraǵasy Si Tszinpinniń týǵan kúnine orai quttyqtaý jedelhatyn joldady, dep habarlaidy ult.kz.
Prezident hatta QHR Tóraǵasynyń Qazaqstan men Qytai arasyndaǵy myzǵymas dostyqqa, tatý kórshilikke jáne ózara qoldaýǵa negizdelgen máńgi jan-jaqty strategiialyq seriktestikti nyǵaitýǵa zor úles qosqanyn atap ótken.
Memleket basshysy Qazaqstan-Qytai qarym-qatynasynyń qazirgi «altyn otyzjyldyq» kezeńinde ekijaqty yntymaqtastyq joǵary qarqynyn saqtai otyryp, odan ári nyǵaia túsetinine jáne yqpaldastyqtyń jańa baǵyttaryn qamtitynyna senim bildirdi.
Qasym-Jomart Toqaev Si Tszinpinniń memlekettik qyzmetine tabys, al dostas Qytai halqyna baq-bereke tiledi.
